پیٹرول اور ڈیزل کی قیمتوں میں کمی

Image caption دو ماہ لگاتار اضافے کے بعد اس ماہ تیل کی قیمتیں کم ہوئی ہیں

پاکستان میں تیل اور گیس کی قیمتوں کا تعین کرنے والے ادارے اوگرا نے ملک میں پٹرولیم مصنوعات میں کمی کا اعلان کیا ہے۔

اعلان کے مطابق پٹرول کی قیمت میں ایک روپے نو پیسے کمی کی گئی ہے جس کے بعد اب نئی قیمت سڑسٹھ روپے پچانوے پیسے فی لیٹر ہوگئی ہے۔

اس کے علاوہ ڈیزل چار روپے چودہ پیسے کی کمی کے ساتھ اب اکہتر روپے اٹھانوے پیسے اور مٹی کا تیل گیارہ پیسے کی کمی کے ساتھ پینسٹھ روپے اڑتیس پیسے فی لیٹر ہوگیا ہے۔

نئی قیمتوں کا نفاذ بدھ کی رات بارہ بجے سے ہوگیا ہے۔

خیال رہے کہ گزشتہ دو ماہ ہونے والے لگاتار اضافے کے بعد پاکستان میں تیل کی قیمتوں میں اس مرتبہ کمی دیکھنے میں آئی ہے۔

مبصرین کا کہنا ہے کہ اس کمی کی وجہ عالمی مارکیٹ میں تیل کی قیمتوں میں آنے والی گراوٹ ہے اور خصوصاً ڈیزل کی قیمتوں میں واضح کمی کے بعد نقل و حمل کے اخراجات میں کمی آ سکتی ہے۔

اسی بارے میں