گلگت میں بس حادثہ، پندرہ افراد ہلاک

پولیس کے مطابق بس کو حادثہ تیز رفتاری کے باعث پیش آیا

،تصویر کا ذریعہAFP Getty

،تصویر کا کیپشن

پولیس کے مطابق بس کو حادثہ تیز رفتاری کے باعث پیش آیا

پاکستان کے شمالی علاقے گلگت بلتستان میں ایک مسافر بس حادثے کا شکار ہوگئی جس میں پندرہ افراد ہلاک ہوگئے ہیں۔

پاکستان کے سرکاری چینل پی ٹی وی کے مطابق متاثرہ بس راولپنڈی سے سکردو جارہی تھی اور کوزمیلہ کے مقام پر یہ حادثے کا شکار ہوگئی۔

مقامی پولیس کا کہنا ہے کہ حادثہ بظاہر تیز رفتاری کے باعث پیش آیا۔ پولیس کا کہنا ہے کہ اس حادثے میں تئیس افراد زخمی ہوئے ہیں۔

حادثے کے بعد مقامی لوگوں نے امدادی کام شروع کیا تاہم موزوں سامان اور سفری سہولیات کے فقدان کے باعث زخمیوں اور ہلاک ہونے والوں کو ڈسٹرکٹ ہیڈکوارٹر ہسپتال منتقل کرنے میں دشواری کا سامنا رہا۔