کوئٹہ میں موٹر سائیکل بم دھماکہ، ایک ہلاک

آخری وقت اشاعت:  پير 8 اکتوبر 2012 ,‭ 08:58 GMT 13:58 PST

پاکستان کے صوبہ بلوچستان کے دارالحکومت کوئٹہ میں پولیس کے مطابق موٹر سائیکل بم دھماکے میں ایک شخص ہلاک اور دس زخمی ہوئے ہیں۔

امریکی خبر رساں ایجنسی اے پی کے مطابق یہ دھماکہ ریموٹ کنٹرول کے ذریعے کیا گیا تھا۔

اے پی سے بات کرتے ہوئے پولیس افسر وزیر خان ناصر نے بتایا کہ یہ دھماکہ پولیس چوکی کے قریب کیا گیا۔ ان کا مزید کہنا تھا کہ ہلاک ہونے والا شخص اور زخمی ہونے والے عام شہری تھے۔

دھماکے کے بعد قانون نافذ کرنے والے اداروں نے علاقے کو گھیرے میں لے لیا ہے۔ زخمیوں کو سول ہسپتال منتقل کیا گیا ہے۔

اس دھماکے کی ذمہ داری کسی نے قبول نہیں کی ہے۔

واضح رہے کہ یہ دھماکہ ایسے وقت ہوا ہے جب چیف جسٹس آف پاکستان بلوچستان بدامنی کیس کی سماعت کوئٹہ رجسٹری میں کر رہے ہیں۔

سنیچر کو مقدمے کی سماعت کے دوران بینچ میں شامل جسٹس خلجی عارف نے بلوچستان کے چیف سیکریٹری سے صوبے میں امن و امان کی صورتحال پر رپورٹ طلب کی۔

انہوں نے سماعت کے دوران چیف سیکریٹری سے استفسار کیا کہ آیا ایف سی کی تعیناتی کے بعد صوبے میں امن و امان کی صورتحال بہتر ہوئی ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔