وزیراعلیٰ پنجاب کے داماد کا جوڈیشل ریمانڈ

آخری وقت اشاعت:  جمعرات 18 اکتوبر 2012 ,‭ 10:25 GMT 15:25 PST

داماد کے خلاف تفتیش کا حکم شہباز شریف نے ہی دیا تھا

پاکستان کے صوبہ پنجاب کے دارالحکومت لاہور کی مقامی عدالت نے وزیراعلیٰ پنجاب شہباز شریف کے داماد علی عمران یوسف کو بیکری ملازم پر مبینہ تشدد کے الزام میں چودہ دنوں کے جوڈیشل ریمانڈ پر جیل بھیج دیا ہے۔

علی عمران کو بدھ کی رات اس وقت حراست میں لیا گیا جب وہ بیکری ملازم تشدد کیس میں اپنے بیان ریکارڈ کروانے کے لیے تھانے گئے تھے۔

جمعرات کے روز پولیس نے وزیر اعلیٰ پنجاب کے داماد علی عمران کو مقامی مجسٹریٹ کے روبرو پیش کیا اور سرکاری وکیل نے استدعا کی کہ علی عمران سے کوئی برآمدگی نہیں کرنی ہے اس لیے انہیں جوڈیشل ریمانڈ پر جیل بھیج دیا۔

وزیر اعلیٰ پنجاب کے داماد علی عمران پر یہ الزام ہے کہ ان کو فراہم کردہ ایلیٹ فورس کے اہلکاروں نے لاہور کے علاقے ڈیفنس میں ایک بیکری کے اہلکار کو بیکری نہ کھولنے پرتشدد کا نشانہ بنایا تھا۔

عدالت نے علی عمران کی ضمانت پر رہائی کے لیے دائر درخواست پر متعلقہ حکام کو انیس اکتوبر یعنی جمعہ کے لیے نوٹس جاری کر دیے ہیں۔

رانا اسد اللہ خان ایڈووکیٹ کے توسط سے دائر درخواست ضمانت میں یہ موقف اختیار کیا گيا ہے کہ ایلیٹ فورس کے اہلکار درخواست گزار علی عمران کے ہیں تاہم ان کا بیکری ملازم پر تشدد سے کوئی تعلق نہیں ہے۔

بیکری ملازم پر تشدد

فوٹیج میں یہ دکھایا گیاکہ بیکری پر ایک بااثر خاندان کی خاتون خریداری کے لیے گئیں لیکن بیکری بند تھی اور ملازم نے اسے کھولنے سے انکار کر دیا جس کے بعد ایلیٹ پولیس فورس کے اہلکار بیکری پر پہنچے اور انہوں نے بیکری ملازم کو تشدد کا نشانہ بنایا۔

درخواست میں استدعا کی گئی کہ علی عمران کو ضمانت پر رہا کرنے کا حکم دیا جائے۔

وزیر اعلیٰ پنجاب شہباز شریف نے مقامی میڈیا میں بیکری ملازم پر تشدد کی فوٹیج نشر ہونے پر اس واقعے کا نوٹس لیا تھا جس کے بعد ایلیٹ فورس کے اہلکاروں کو گرفتار کیا گیا۔

لاہور سے نامہ نگار کے مطابق فوٹیج میں یہ دکھایا گیاکہ بیکری پر ایک بااثر خاندان کی خاتون خریداری کے لیے گئیں لیکن بیکری بند تھی اور ملازم نے اسے کھولنے سے انکار کر دیا جس کے بعد ایلیٹ پولیس فورس کے اہلکار بیکری پر پہنچے اور انہوں نے بیکری ملازم کو تشدد کا نشانہ بنایا۔

وزیراعلیْ پنجاب نے پولیس کو ہدایت کی ہے کہ ان کے داماد علی عمران یوسف کو بھی اس معاملے میں شامل تفتیش کریں۔

شہباز شریف کی ہدایات کے بعد ان کے داماد علی عمران ڈیفنس پولیس سٹیشن گئے جہاں پولیس نے ان سے تفتیش کی اور ان کا بیان ریکارڈ کر کے انہیں حوالات میں بند کر دیا۔

ایک دن پہلے مقامی عدالت بیکری ملازم کیس میں ملوث ایلیٹ فورس کے سات اہلکاروں کی ضمانت منظور کرتے ہوئے انہیں رہا کرنے کا حکم دیا ہے۔

اسی بارے میں

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔