بلوچستان: دھماکوں میں تین افراد ہلاک

آخری وقت اشاعت:  جمعـء 2 نومبر 2012 ,‭ 22:53 GMT 03:53 PST

زخمی افراد میں قبائل لیویز فورس کے دو اہلکار بھی شامل ہیں

پاکستان کے صوبے بلوچستان کے ضلع ڈیرہ بگٹی میں بارودی سرنگوں کے دھماکوں کے نتیجے میں تین افراد ہلاک اور لیویز فورس کے دو اہلکاروں سمیت تین افراد زخمی ہو گئے ہیں۔

یہ دھماکے جمعرات کو شورش زدہ علاقے ضلع ڈیرہ بگٹی کے دو مختلف حصوں میں ہوئے۔

تینوں بم دھماکوں میں دو خواتین سمیت تین افراد ہلاک اور تین زخمی ہوئے۔

زخمی افراد میں قبائل لیویز فورس کے دو اہلکار بھی شامل ہیں۔

ڈیرہ بگٹی میں لیویز پولیس کے رصالدار احمد میر نے دھماکوں کی تصدیق کرتے ہوئے بتایا کہ تین افراد کی ہلاکت کا واقعہ پلواہ میں پیش آیا۔

انھوں نے بتایا کہ پہلے واقعہ میں نامعلوم افراد کی جانب سے بچھائی جانے والی بارودی سرنگوں کے دھماکے میں ایک خاتون اور ایک بچی ہلاک ہوئی۔

انھوں نے کہا کہ اس دھماکے کے بعد لیویز فورس کے دو اہلکار اور ایک سویلین شخص جب دھماکے کی جگہ پر پہنچے تو ایک دوسری بارودی سرنگ پر ان کا پاؤں آنے سے دونوں لیویز اہلکار شدید زخمی ہو گئے جبکہ ان کے ساتھ آنے والا سویلین شخص ہلاک ہو گیا۔

انھوں نے بتایا کہ تیسرا دھماکہ ڈیرہ بگٹی پولیس کے علاقے شمسر میں ہوا جس کے نتیجے میں ایک سویلین شخص زخمی ہو گیا۔

انھوں نے کہا کہ تینوں افراد کو علاج کے لیے مقامی ہسپتال منتقل کر دیا گیا جہاں لیویز فورس کے اہلکاروں کی حالت تشویشناک بتائی گئی ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔