کوئٹہ بم دھماکہ، دو افراد ہلاک

آخری وقت اشاعت:  منگل 13 نومبر 2012 ,‭ 09:19 GMT 14:19 PST
کوئٹہ فائل فوٹو

پاکستان کے صوبہ بلوچستان کے شہر کوئٹہ میں ایک بم دھماکے میں کم از کم دو افراد ہلاک جبکہ ایف سی کے تین اہلکاروں سمیت نو افراد زخمی ہوگئے۔

یہ دھماکہ منگل کو شہر کے جنوب میں ائرپورٹ روڈ پر واقع کلی عالمو کے علاقے میں ہوا۔

پولیس کے مطابق نامعلوم افراد نے ایک سائیکل پر دھماکہ خیز مواد نصب کرکے اسے ائرپورٹ روڈ پر کھڑا کیا تھا۔

دھماکہ خیز مواد کو اس وقت اڑایا گیا جب فرنٹیئر کور کی گاڑیاں شہر کی جانب آرہی تھی۔

اس دھماکے کے نتیجے میں دو شہری ہلاک جبکہ اس میں نو افراد زخمی ہوئے۔ زخمیوں میں تین ایف سی اہلکار بھی شامل ہیں۔

جائے وقوعہ پر میڈیا سے بات چیت کرتے ہوئے سی پی او میر زبیر نے بتایا کہ یہ ریموٹ کنٹرول بم دھماکہ تھا۔

انہوں نے بتایا کہ دھماکہ خیز مواد کو ایک سائیکل پر نصب کیا گیا تھا اور دھماکے کے لیے تین سے چار کلو مواد استعمال کیا گیا تھا۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔