انصار الاسلام اور طالبان میں جھڑپ، 22 ہلاک

آخری وقت اشاعت:  جمعـء 25 جنوری 2013 ,‭ 14:22 GMT 19:22 PST

احسان اللہ احسان کے مطابق علاقے میں امن کی خاطر طالبان نے انصار الاسلام کے ساتھ معاہدہ کیا تھا

پاکستان کے قبائلی علاقے خیبر ایجنسی میں دو متحارب گروہوں کے درمیان جھڑپ میں بائیس افراد ہلاک اور گیارہ زخمی ہوئے ہیں۔

ریڈیو پاکستان کے مطابق یہ جھڑپ کالعدم انصار الاسلام اور کالعدم تحریک طالبان پاکستان کے درمیان خیبر ایجنسی کی تیرہ وادی میں ہوئی۔

دوسری جانب کالعدم تحریک طالبان پاکستان کے ترجمان احسان اللہ احسان کے مطابق علاقے میں امن کی خاطر طالبان نے انصار الاسلام کے ساتھ معاہدہ کیا تھا۔

انہوں نے کہا کہ پچھلے دنوں انصار الاسلام نے معاہدے کی خلاف ورزی کی اور انتیس طالبان کو ہلاک کیا۔

انہوں نے مزید کہا کہ انصار الاسلام نے راستے بھی بند کردیے تھے۔ اس لیے طالبان نے کارروائی کا فیصلہ کیا۔

انہوں نے کہا کہ طالبان انصار الاسلام سے سختی سے نمٹیں گے۔

اطلاعات کے مطابق دونوں گروہوں میں جھڑپیں تیرہ کے حیدر کنداؤ اور کلوچ کے علاقے میں پیش آئیں۔

ریڈیو پاکستان کے مطابق باڑہ تحصیل کے علاقے جبا میں ایک اور واقعے میں خاصہ دار فورس نے ایک گاڑی پر فائرنگ کی جس کے نتیجے میں تین افراد زخمی ہوئے۔

خاصہ داروں نے گاڑی کو رکنے کا اشارہ کیا لیکن یہ گاڑی نہ رکی جس پر فائرنگ کی گئی۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔