گوادر میں فائرنگ سے دو افراد ہلاک

آخری وقت اشاعت:  جمعـء 15 مارچ 2013 ,‭ 20:31 GMT 01:31 PST

پاکستان کے صوبہ بلوچستان کے ساحلی شہر گوادر میں فائرنگ سے دو افراد ہلاک ہو گئے۔

مقامی انتظامیہ کے مطابق جمعرات کو دو افراد قندیل چوک پر واقع ویلڈنگ کی ایک دکان پر کام کر رہے تھے کہ نامعلوم مسلح افراد نے ان پر فائرنگ کر دی۔
پویس کے مطابق حملہ آور موٹر سائیکل پر سوار تھے اور فائرنگ کے بعد فرار ہونے میں کامیاب ہوگئے۔

حملے سے دکان پر کام کرنے والے دونوں افراد شدید زخمی ہوگئے۔

انہیں فوری طور پر ہسپتال پہنچایاگیا لیکن وہ زخموں کی تاب نہ لاکر چل بسے۔

ہلاک ہونے والے دونوں افراد کا تعلق صوبہ پنجاب کے علاقے رحیم یارخان سے بتایا جاتا ہے۔

پولیس نے واقعے کا مقدمہ درج کرکے تفتیش شروع کردی ہے۔

انتظامیہ کے مطابق شواہد اور ابتدائی تحقیقات سے ظاہر ہوتا ہے کہ یہ ٹارگٹ کلنگ کا واقعہ ہے۔

یاد رہے کہ چند ہفتے قبل گوادر ہی میں کوسٹل ہائی پر کام کرنے والے چھ مزدوروں کو فائرنگ کر کے ہلاک کیا گیا تھا۔

گوادر بلوچستان کے مکران ڈویژن کا حصہ ہے اور اس ڈویژن کا شمار بھی صوبے کے ان علاقوں میں ہوتا ہے جو کہ شورش سے متاثر ہیں۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔