سرگودھا میں فیس بک پر فحش مواد بھیجنے پر مقدمہ

تصویر کے کاپی رائٹ
Image caption پولیس کے مطابق مقدمے میں ایک شخص کو گرفتار کیا گیا ہے

پاکستان کے صوبہ پنجاب کے شہر سرگودھا میں سماجی رابطے کی ویب سائٹ فیس بک پر فُحش مواد بھیجنے کے الزام میں ایک طالبہ کی شکایت پر چھ افراد کے خلاف مقدمہ درج کیا گیا ہے۔

فُحش مواد بھیجنے کے الزام پر یہ مقدمہ سرگودھا شہر کے تھانہ ساجد شہید میں درج کیا گیا ہے۔

تھانے کے ایک اہلکار خضر حیات نے بی بی سی کے نامہ نگار عدیل اکرم سے بات کرتے ہوئے بتایا کہ یونیورسٹی کی ایک طالبہ نے تھانے میں شکایت درج کرائی ہے کہ واقعہ میں ملوث مبینہ ملزمان ان کو گذشتہ ایک سال سے فیس بک پر فُحش مواد بھیج رہے تھے اور ہراساں کر رہے تھے۔

پولیس کے مطابق ملزمان کے باز نہ آنے پر طالبہ نے اپنے گھر والوں کو اِس تمام صورتحال سے آگاہ کیا جس کے بعد پولیس میں اندارج مقدمہ کی درخواست دائر کی گئی۔

پولیس کے مطابق مقدمے میں نامزد ایک ملزم کو گرفتار کر لیا گیا ہے جبکہ دیگر کو بھی جلد گرفتار کر لیا جائے گا۔

اسی بارے میں