مردان میں’پولیس مقابلہ‘، اہلکار سمیت دو ہلاک

Image caption پشاور میں پولیس اہلکاروں اور افسران پر حملوں کے واقعات میں تیزی دیکھی گئی ہے

پاکستان کے صوبہ خیبر پختونخوا کے ضلع مردان میں پولیس حکام کا کہنا ہے کہ ایک کارروائی کے دوران فائرنگ کے تبادلے میں ایک پولیس اہلکار سمیت دو افراد ہلاک ہوئے ہیں۔

پولیس کے مطابق یہ واقعہ بدھ کو تھانہ لنڈخور کی حدود میں پیش آیا۔

مقامی پولیس اہلکاروں کا کہنا ہے کہ ایک مفرور ملزم کے بارے میں اطلاع ملنے پر جب چھاپہ مارا گیا تو ان پر فائرنگ کی گئی۔

پولیس کے مطابق فائرنگ سے سلطان نامی اسسٹنٹ سب انسپکٹر ہلاک اور ایک کانسٹیبل زخمی ہوگیا جبکہ جوابی فائرنگ سے ملزم بھی مارا گیا۔

خیال رہے کہ صوبہ خیبر پختونخوا میں گذشتہ چند ہفتوں کے دوران پولیس اہلکاروں کو نشانہ بنائے جانے کے واقعات میں بھی اضافہ ہوا ہے۔

رواں ماہ کے آغاز میں ہی پشاور میں محکمۂ انسدادِ دہشت گردی کے ایک اہلکار کو گولی ماری گئی جبکہ گذشتہ ماہ کی 22 تاریخ کو بھی پشاور کے علاقے رشید گڑھی میں مسلح افراد کی فائرنگ سے دو پولیس اہلکار ہلاک ہوئے تھے۔

اسی بارے میں