BBCUrdu.com
  •    تکنيکي مدد
 
پاکستان
انڈیا
آس پاس
کھیل
نیٹ سائنس
فن فنکار
ویڈیو، تصاویر
آپ کی آواز
قلم اور کالم
منظرنامہ
ریڈیو
پروگرام
فریکوئنسی
ہمارے پارٹنر
آر ایس ایس کیا ہے
آر ایس ایس کیا ہے
ہندی
فارسی
پشتو
عربی
بنگالی
انگریزی ۔ جنوبی ایشیا
دیگر زبانیں
 
وقتِ اشاعت: Thursday, 08 November, 2007, 14:34 GMT 19:34 PST
 
یہ صفحہ دوست کو ای میل کیجیئے پرِنٹ کریں
تیرہ افراد کے خلاف بغاوت کا مقدمہ
 

 
 
سینکڑوں وکلاء اور سیاسی کارکن حراست میں ہیں
سینکڑوں وکلاء اور سیاسی کارکن حراست میں ہیں
کراچی پولیس نے سٹی کورٹ کے آٹھ وکیلوں کے خلاف ملک سے بغاوت کا مقدمہ درج کر لیا ہے۔ پولیس مقدمے میں نامزد وکیلوں کو گرفتار کرنے کے لئے چھاپے مار رہی ہے۔

سٹی کورٹ تھانے کے ایس ایچ او کی جانب سے دائر کی گئی ایف آئی آر نمبر 114 پاکستان پینل کورٹ کی دفعہ 124 اے 34 کے تحت درج کی گئی جو بغاوت کے زمرے میں آتی ہے جو قانوں کے تحت ناقابلِ ضمانت جرم ہے۔

سٹی کورٹ پولیس کے مطابق مقدمے میں نامزد وکیلوں میں مقبول الرحمان ایڈوکیٹ، جاوید تنولی ایڈوکیٹ، صابر تنولی ایڈوکیٹ، محمد اسلم بھٹہ ایڈوکیٹ، مسعود الرحمان ایڈوکیٹ، عمران خان ایڈوکیٹ، خرم ایڈوکیٹ اور خاتون وکیل جمیلہ منظور شامل ہیں۔

مقدمے کے تفتیشی افسر انسپکٹر چوہدری نظیر کا کہنا ہے کہ نامزد وکلاء نے چھ نومبر کو اپنے رہنماؤں کی گرفتاری کے بعد ایک میٹنگ منعقد کی تھی جس میں اُنہوں نے ایک پمفلیٹ بنا کر وکلاء میں تقسیم کیا تھا جس میں ملک میں لگنے والی ایمرجنسی اور موجودہ حکومت کے خلاف مواد تحریر کیا گیا تھا۔

پولیس افسر کے مطابق پمفلیٹ میں تحریر تھا کہ ایمرجنسی صرف عدلیہ کے خلاف لگائی گئی ہے جبکہ وزیرِ اعظم اور دیگر لوگ بدستور اپنے فرائض انجام دے رہے ہیں۔

پولیس کے مطابق بغاوت کے مقدمے میں نامزد وکلاء نے ملک کے موجودہ حالات میں بیرونی قوتوں سے مداخلت کی بھی اپیل کی ہے۔ پولیس کا کہنا ہے کہ نامزد تمام وکیل فرار ہوگئے ہیں جن کی گرفتاری کے لئے کراچی بار ایسوسی ایشن اور اُن کے نجی دفاتر پر چھاپے مارے جارہے ہیں۔

واضح رہے کہ ایمرجنسی کے بعد یہ پہلی ایف آئی آر ہے جو پولیس نے وکلاء کے خلاف بغاوت کے الزامات کے تحت درج کی ہے۔

سوِل سوسائٹی کے رہنما گرفتار
کراچی پولیس نے آج سول سوسائٹی کے گرفتار کیے جانے والے پانچ رہنماؤں کو جوڈیشل مجسٹریٹ ساؤتھ ذیشان اختر کی عدالت میں پیش کیا جہاں سے ان رہنماؤں کو اُنیس نومبر تک جیل پولیس کے حوالے کر دیا گیا۔

سول سوسائٹی کے رہنماؤں میر حاصل بزنجو، لیاقت علی ساہی، یوسف مستی خان، غلام فرید اعوان اور ایوب قریشی کے خلاف پولیس نے ہنگامہ آرائی کے علاوہ بغاوت کی دفعہ 124 اے کے تحت مقدمہ درج کیا ہے۔

سندھ ہائی کورٹ کی وکیل رعنا خان ایڈوکیٹ نے پاکستان پینل کی دفعہ کے بارے میں بتایا کہ دفعہ 124 اے ناقابلِ ضمانت ہے جس میں عمر قید تک سزا ہوسکتی ہے جبکہ خصوصی مواقع پر یہ سزا تین سال بھی ہوسکتی ہے۔

یہ دفعہ صوبائی یا وفاقی حکومت کے احکامات کے تحت لگائی جاتی ہے، تاہم اُن کے مطابق اعلی عدلیہ کا کہنا ہے کہ اگر حکومت کے کسی فیصلے کے خلاف کوئی فرد یا گروہ احتجاج کرے تو یہ عمل بغاوت کے زمرے میں نہیں آتا ہے۔

دوسری جانب سندھ کے مشیر برائے امور داخلہ وسیم اختر کا کہنا ہے کہ وہ لوگ جن کے خلاف بغاوت کے مقدمات درج کیے گئے وہ حکومت اور صدر جنرل پرویز مشرف کے خلاف نعرے لگا رہے تھے جو پی سی او کی خلاف ورزی ہے اور یہ مقدمات قانوں کے مطابق ہیں۔

 
 
نیو میڈیا’پاک‘ نیو میڈیا
غیرمعمولی حالات میں غیر روایتی ذرائع ابلاغ
 
 
جسٹس شاہ جہان خان یوسفزئی حکومت کی’ آفرز‘
پی سی او کے تحت حلف اٹھانے پر کئی پیشکشیں
 
 
ناہید خانپی پی پی کا مظاہرہ
پارلیمان کے سامنے جیالوں کے نعرے
 
 
 احتجاجاحتجاج تھما نہیں
ایمرجنسی کے خلاف طلبا، وکلاء سراپا احتجاج
 
 
قاضی فاروقعدالتی بحران
چیف الیکشن کمشنر قاضی فاروق بھی سرگرم
 
 
جیلپابندِ سلاسل
وکلاء سے ملاقات کی اجازت، دوائیوں کی نہیں
 
 
جنرل مشرفمیڈیا، عدلیہ کو نکیل
پی سی او کا مقصد ججوں اور میڈیا کو نکیل ڈالنا
 
 
تازہ ترین خبریں
 
 
یہ صفحہ دوست کو ای میل کیجیئے پرِنٹ کریں
 

واپس اوپر
Copyright BBC
نیٹ سائنس کھیل آس پاس انڈیاپاکستان صفحہِ اول
 
منظرنامہ قلم اور کالم آپ کی آواز ویڈیو، تصاویر
 
BBC Languages >> | BBC World Service >> | BBC Weather >> | BBC Sport >> | BBC News >>  
پرائیویسی ہمارے بارے میں ہمیں لکھیئے تکنیکی مدد