چھتیس گڑھ: انڈین سپاہی نے فائرنگ کر کے اپنے چار ساتھیوں کو ہلاک کر دیا

فوجی تصویر کے کاپی رائٹ Getty Images
Image caption پولیس نے فائرنگ کرنے والے اہلکار کو گرفتار کرلیا ہے

انڈیا میں مقامی ذرائع ابلاغ کے مطابق ایک نیم فوجی اہلکار نے فائرنگ کر کے اپنے چار ساتھیوں کو ہلاک اور ایک کو شدید زخمی کر دیا ہے۔

بظاہر ایک اہلکار نے پیراملٹری سینٹرل ریزرو پولیس فورس (ای آر پی ایف) کے کیمپ میں کسی بحث کے بعد فائرنگ کی۔

بتایا گیا ہے کہ یہ واقعہ ریاست چھتیس گڑھ کے ضلع بجاپور کے بسوگدا کیمپپ میں مقامی وقت کے مطابق شام پانچ بج کر 15 منٹ (صبح 11 بج کر 45 منٹ) پر پیش آیا۔

پولیس نے فائرنگ کرنے والے اہلکار کو گرفتار کرلیا ہے۔

ای آر پی ایف کے ترجمان کے مطابق 35 سالہ اہلکار سنتھ کمار نے دیگر اہلکاروں کے ساتھ جھگڑے کے بعد اے کے 47 رائفل سے فائرنگ کی۔

سنیچر کو پیش آنے والے اس واقعے کی تحقیقات اور سنتھ کمار سے پوچھ گچھ کی جارہی ہے۔

یہ بھی پڑھیں!

انسان اور جانور کوئلے کی کان کنی سے متاثر

چھتیس گڑھ: ماؤ نواز باغیوں کے حملے میں 24 اہلکار ہلاک

انڈیا: پولیس کا 18 ماؤنواز باغیوں کو ہلاک کرنے کا دعویٰ

ریاست کے ایک سینیئر پولیس اہلکار سندر راج نے خبررساں ادارے اے این آئی کو بتایا کہ تفتیش کار اس بات کا تعین کر رہے ہیں کہ کیا واقعہ پیش آیا، انھوں نے ایسا کیوں کیا اور کن حالات میں ایسا ہوا۔

چھتیس گڑھ میں سینٹرل پیراملٹری فورس ماؤ نواز باغیوں کے خلاف آپریشن کے لیے تعینات ہیں۔

خیال رہے کہ معدنی ذخائر سے مالامال ریاست چھتیس گڑھ میں تین سے زائد دہائیوں سے مسلح تصادم کی صورتحال ہے۔

حکومت علاقے میں معدنیات نکالنے والی فیکٹریوں کی حوصلہ افزائی کرتی ہے جبکہ ماؤ نوازوں پر مشتمل بائیں بازو سے تعلق رکھنے والا مسلح گروہ اس کی مخالفت کرتا ہے۔

رواں سال جنوری میں انڈیا کی ایک ایلیٹ سکیورٹی یونٹ سے تعلق رکھنے والے ایک پیراملٹری اہلکار نے بظاہر چھٹی کے معاملے پراپنے چار سینیئر اہلکاروں کو ہلاک کر دیا تھا۔

متعلقہ عنوانات

اسی بارے میں