نریندر مودی کی بیوی حادثے میں زخمی

جوشودابن تصویر کے کاپی رائٹ Getty Images

بھارتی وزیر اعظم نریندر مودی کی ناراض بیوی کار کے ایک حادثے میں بال بال بچ گئی ہیں۔

نریندر مودی کی ناراض بیوی جاشودابن کی کار ریاست راجھستان کی ہائی وے پر ایک ٹرک سے ٹکرا گئی۔ جس کار میں مسز جاشودابن سوار تھیں اس میں کل سات افراد سوار تھے جن میں سے ایک حادثے میں ہلاک ہو گیا ہے جبکہ باقی زخمی ہوئے ہیں۔ مسز جاشودابن اور ڈرائیور کو معمولی چوٹیں آئی ہیں۔

پولیس نے بی بی سی کو بتایا ہے کہ حادثے کی وجوہات جاننے کے لیے انکوائری شروع کر دی گئی ہے۔

مسز جاشودابن کی نریندر مودی کے ساتھ 1967 میں شادی ہوئی تھی لیکن وہ شادی کے صرف تین برس اکٹھے رہے۔ شادی کے وقت نریندر مودی کی عمر سترہ برس تھی۔

Image caption پولیس نے حادثے کی وجوہات جاننے کے انکوائری شروع کر دی ہے

مسز جاشودبن نے مختلف انٹرویوز میں کہا کہ نریندری مودی انھیں شادی کے صرف تین برس بعد ہی چھوڑ دیا تھا اور ان تین برسوں میں وہ صرف تین مہینے ہی اکٹھے رہے تھے۔

نریندر مودی نے پہلی بار 2014 میں اپنی شادی کی تصدیق کی تھی جب انھوں نے وزیر اعظم کے عہدے کے لیے کاغذات جمع کرائے تھے۔

نریندر مودی کے مخالفین انھیں راسٹریہ سیوک سنگ میں شرکت کرنے کے بعد اپنی بیوی کو چھوڑنے کا طعنہ دیتے رہتے ہیں۔

.