چین اور شمالی کوریا نے کم جونگ ان کے دورۂ چین کی تصدیق کر دی

Man watches Japanese news report about possible visit by North Korean leader تصویر کے کاپی رائٹ AFP
Image caption کم جان کی چین آمد کی خبر سب سے پہلے جاپان نے دی تھی

کئی روز کی افواہوں کے بعد اب باضابطہ طور پر تصدیق کر دی گئی ہے کہ شمالی کوریا کے سربراہ کم جونگ ان نے چین کا دورہ کیا اور اعلی حکام سے ملاقاتیں کیں۔

مقامی میڈیا پر یہ خبر چلی کہ سفارتی ٹرین پر ہائی پروفائل شخصیت بیجنگ پہنچی ہے جبکہ جاپانی میڈیا کا کہنا تھا کہ وہ شخصیت شمالی کوریائی لیڈر کم جونگ ان ہیں۔

اب کم جونگ کے اس دورے کی تصدیق چین اور شمالی کوریا دونوں نے کر دی ہے۔

یہ بھی پڑھیے

کم جونگ ان چین میں کیا کرتے رہے؟

کیا کم جونگ ان ریل میں بیٹھ کر چین چلے گئے؟

’شمالی کوریا عالمی سائبر حملے کا ذمہ دار ہے‘

کم جونگ ان کو جعلی پاسپورٹ کی ضرورت کیوں؟

’شمالی کوریا جوہری ہتھیار ختم کر سکتا ہے‘

چینی خبر رساں ایجنسی شن ہوا کا کہنا ہے کہ کم جونگ ان کے چینی صدر صدر شی جن پنگ کے ساتھ کامیاب مذاکرات ہوئے ہیں۔

ایجنسی کے مطابق غیر سرکاری دورے کے دوران کم جونگ ان نے اپنے چینی ہم منصب کو جوہری ہتھیاروں کے خاتمے کے عزم پر قائم رہنے کی یقین دہانی کرائی۔

کم جونگ ان نے کہا کہ’ جزیرہ نما کوریا میں جوہری ہتھیاروں کے خاتمے کے مسئلے کو حل کیا جا سکتا ہے اگر جنوبی کوریا اور امریکہ ہماری کوشش کا خیر سگالی کے ساتپ جواب دییے ہوئے امن اور استحکام کا ماحول تیار کریں جس میں امن کی تکمیل کے لیے ترقی پسند اور ہم عہد اقدامات اٹھائے جائیں۔‘

شمالی کوریائی لیڈر کم جونگ ان کا 2011 میں اقتدار سنبھالنے کے بعد یہ پہلا غیر ملکی دورہ تھا۔

تصویر کے کاپی رائٹ CCTV

اس دورے کو امریکہ اور جنوبی کوریا کے ساتھ شمالی کوریا کی جانب سے مذاکرات پر رضامندی دیے جانے کے تناظر میں بہت اہم قدم قرار دیا جا رہا ہے کیونکہ ماہرین کا کہنا تھا کہ اس ملاقات سے پہلے پہلے شمالی کوریا اور چین کے اعلیٰ حکام ایک ملاقات کر سکتے ہیں۔

گذشتہ ماہ صدر ٹرمپ نے شمالی کوریا کے رہنما کم جانگ کی جانب سے ملنے والی دعوت کو قبول کیا تھا۔

خیال رہے کہ چین شمالی کوریا کا اقتصادی طور پر اتحادی ہے اور رواں ہفتے کے آغاز میں مقامی میڈیا کی جانب سے یہ خبر دیے جانے پر کہ کوئی اعلیٰ شخصیت بیجنگ آئی ہے یہ افواہ تیزی سے پھیل گئی تھی کہ یہ کم جونگ ان ہیں۔

متعلقہ عنوانات

اسی بارے میں