ممبئی میں ٹرین سے پھسلنے والی لڑکی جسے ساتھ کھڑے مسافروں نے بچا لیا

ٹرین
Image caption لڑکی کے ٹرین سے گرنے اور ساتھ کھڑے ہوئے مسافروں کے اسے بچانے کے مناظر

حال ہی میں سوشل میڈیا پر انڈیا سے ایک ویڈیو سامنے آئی جس میں دیکھا جاسکتا ہے کہ ممبئی میں چلتی ہوئی ٹرین پر سے ایک لڑکی پھسل گئی لیکن ساتھ کھڑے ہوئے مسافروں نے چابک دستی کا مظاہرہ کرتے ہوئے اسے گرنے سے بچا لیا۔

یو ٹیوب پر وائرل ہونے والی ویڈیو میں دیکھا جا سکتا ہے کہ ایک نوجوان لڑکی ممبئی کی ایک ٹرین کے دروازے پر ساتھی مسافروں کے ساتھ کھڑی ہے اور اس نے کانوں میں ہیڈ فون لگائے ہوئے ہیں۔

اچانک برابر کی پٹری پر سے تیزی سے ایک ٹرین گزرتی ہے جس کی وجہ سے یہ لڑکی لڑکھڑا کر ٹرین سے پھسل جاتی ہے لیکن ساتھ کھڑے مسافروں نے پھرتی دکھاتے ہوئے اسے دبوچ لیا۔

ٹرین پر واپس آنے کے بعد اس کے چہرے پر حیرانگی نظر آتی ہے جس کے بعد وہ نیچے بیٹھ گئی۔

پولیس کے مطابق لڑکی نے بتایا کہ وہ فون پر بات کر رہی تھی جب وہ پھسل گئی۔

یہ واضح نہیں ہے کہ یہ واقعہ کب پیش آیا لیکن ٹرین پر لگا نشان یہ ظاہر کرتا ہے کہ یہ ممبئی کی سینٹرل ریلویز میں پیش آیا۔

متعلقہ عنوانات

اسی بارے میں