چین میں گاڑی کی خریداری سکوں میں

تصویر کے کاپی رائٹ LIANOING TV
Image caption رقم کو رکھنے کے لیے ایک بڑے ہال کو کرائے پر لیا گیا

چین میں ایک شخص نے نئی کار کو خریدنے کے لیے 660 ہزار سکے اور کم مالیت کے 20 ہزار بینک نوٹ ادا کیے۔

کار خریدنے والے گاہک کی شناخت گان کے نام سے ہوئی ہے۔

لائوشن ایوننگ نیوز کے مطابق اتنی بڑی مقدار میں سکوں کی ادائیگی کے لیے انھوں نے چین کی شمالی مشرقی علاقے شین یانگ میں خصوصی طور پر ایک بڑا ہال بک کروایا تھا۔

بتایا جاتا ہے کہ ہر سکے اور نوٹ کی قیمت ایک یوان کے برابر تھی۔

اس بھاری رقم کا وزن چار ٹن بتایا جا رہا ہے اور اسے گاڑیوں کے شوروم کے چار میٹر یا تیرہ فٹ کے برابر جگہ پر رکھا گیا ہے۔

مسٹر گان بتاتے ہیں کہ جب وہ پیٹرول سٹیشن پر کام کرتے تھے تو ان کے پاس کافی مقدار میں سکے جمع ہو گئے تھے۔

انھوں نے کہا کہ ان کے دفتر کے گرد بہت کم بینکس تھے اس لیے فیصلہ کیا گیا کہ ان سکوں کو جمع کر کے اپنی کمپنی کے لیے گاڑی خریدی جائے۔

وہ بتاتے ہیں کہ گاڑی خریدتے وقت ڈیلر کو رقم کی ادائیگی کے طریقہ کار کے بارے میں بھی بتا دیا گیا تھا۔

بتایا جاتا ہے کہ اس کیش کو منتقل کرنا بھی چیلنج تھا اس میں ملازمین کو ایک گھٹنہ لگ گیا۔