237 کلومیٹر فی گھنٹہ موٹر سائیکل چلانے پر گرفتاری

تصویر کے کاپی رائٹ KAWASAKI
Image caption پانگ نے بیجنگ کی 37.5 کلومیٹر طویل رنگ روڑ کا فاصلہ 13 منٹ 43 سیکنڈ میں طے کیا

چین میں سرکاری ذرائع ابلاغ کے مطابق ایک شخص کو بیجنگ میں 237 کلومیٹر فی گھنٹہ کی رفتار سے موٹر سائیکل چلانے پر حراست میں لیا گیا ہے۔

بیجنگ میں پولیس کے مطابق رنگ روڑ پر خطرناک ڈرائیونگ کرنے کے الزام میں اس شخص کو گرفتار کیا گیا ہے

اس 30 سالہ شخص کی شناخت پانگ کے نام سے ہوئی ہے۔

مہنگی گاڑیوں کی ریس، مہنگی پڑ گئی

پانگ کو جنوبی صوبےگوانگشی سے گرفتار کر کے دارالحکومت منتقل کیا گیا ہے۔

پانگ نے بیجنگ کی 37.5 کلومیٹر طویل رنگ روڑ کا فاصلہ 13 منٹ 43 سیکنڈ میں طے کیا اور یہ مقررہ حد رفتار سے تین گنا زیادہ ہے۔

اگست میں ان کی رنگ روڑ پر موٹر سائیکل چلاتے ہوئے بنائی گئی ویڈیو نے چین میں انٹرنیٹ پر ہلچل مچا دی تھی۔

بیجنگ میں رواں برس اپریل میں دو نوجوانوں کو فلم ’فاسٹ اینڈ فیوریئس‘ کے انداز میں اپنی مہنگی ترین سپورٹس گاڑیوں پر ریس کے دوران حادثہ پیش آنے کے بعد تیز رفتاری کے جرم میں جیل بھیج دیا گیا تھا۔

20 سالہ یو مک ہن اور 21 سالہ ٹانگ وینٹین کو بلترتیب چار اور پانچ ماہ جیل اور دو ہزار نو سو ڈالر جرمانے کی سزا دی گئی۔

دونوں نوجوان فراری اور لیمبرگینی پر مرکزی بیجینگ کی ایک سرنگ میں ریس کر رہے تھے کہ جب یہ حادثہ پیش آیا۔

اسی بارے میں