کابل ہوائی اڈے کے قریب دھماکہ، ایک ہلاک

اپ کی ڈیوائس پر پلے بیک سپورٹ دستیاب نہیں

کابل کے بین الاقوامی ہوائی اڈے کے قریب سوموار کو ہونے والے خود کش بم حملے میں کم از کم ایک شہری ہلاک ہو گیا ہے۔

حکام کے مطابق اس دھماکے میں 13 شہری زخمی بھی ہوئے ہیں۔

کابل پولیس کے سربراہ جنرل رحمٰن رحیمی کا ذرائع ابلاغ کے نمائندؤں سے بات کرتے ہوئے کہنا تھا کہ ’ اس دھماکے کے نتیجے میں ہمارا ایک شہری ہلاک اور 13 دوسرے زخمی ہوگئے ہیں۔‘

افغان وزارتِ داخلہ کے ترجمان کے مطابق یہ دھماکہ ہوائی اڈے کے مشرقی داخلی گیٹ کے قریب ہوا ہے۔

عینی شاہدین کے مطابق بم دھماکے کے نتیجے میں قریبی عمارتوں کو بھی نقصان پہنچا ہے۔

تصویر کے کاپی رائٹ Getty
Image caption کابل کے ہوائی اڈے کے قریب اکثر دھماکے ہوتے ہیں

طالبان نے اس حملے کی ذمہ داری قبول کرتے ہوئے کہا ہے کہ ان کا حدف غیر ملکی افواج کا قافلہ تھا۔

خیال رہے کہ پچھلے ہفتے بگرام ایئر فیلڈ کے قریب طالبان کے ایک خود کش حملے میں چھ امریکی فوجی ہلاک ہوگئے تھے۔

بگرام ایئر فیلڈ سے کچھ فاصلے پر حملہ آور نے باورد سے لدی اپنی موٹر سائیکل امریکی فوجی گاڑی سے ٹکرا دی تھی۔

دریں اثناء افغانستان کے شمالی صوبے قندہار میں بچوں کو پولیو کی ویکسین پلانے والی رضاکار خاتون کو نامعلوم افراد نے فائرنگ کر کے ہلاک کر دیا ہے۔

اسی بارے میں