BBCUrdu.com
  •    تکنيکي مدد
 
پاکستان
انڈیا
آس پاس
کھیل
نیٹ سائنس
فن فنکار
ویڈیو، تصاویر
آپ کی آواز
قلم اور کالم
منظرنامہ
ریڈیو
پروگرام
فریکوئنسی
ہمارے پارٹنر
آر ایس ایس کیا ہے
آر ایس ایس کیا ہے
ہندی
فارسی
پشتو
عربی
بنگالی
انگریزی ۔ جنوبی ایشیا
دیگر زبانیں
 
وقتِ اشاعت: Thursday, 28 December, 2006, 19:46 GMT 00:46 PST
 
یہ صفحہ دوست کو ای میل کیجیئے پرِنٹ کریں
پاکستانی منصوبے پر کرزئی کی تنقید
 
پاک افغان سرحد پر پاکستانی فوجی چوکی
پاکستان سرحدی دراندازی کو روکنے کے لیے مزید فوجی چوکیاں بھی بنائے گا
افغان صدر حامد کرزئی نے پاکستان کے اس فیصلے پر کڑی تنقید کی ہے کہ پاک افغان سرحد کے بیشتر مقامات پر باڑ لگائی جائے گی اور بارودی سرنگیں بچھائی جائیں گی۔

صدر حامد کرزئی کا کہنا ہے کہ اس منصوبے پر عمل درآمد کرنے سے دہشت گردی کے خاتمے کی بجائے قبائلی خاندان تقسیم ہو جائیں گے۔

پشتون قبائل پاک افغان سرحد کے دونوں جانب بٹے ہوئے ہیں۔ افغانستان ہمیشہ سے پاکستان پر یہ الزام لگاتا آیا ہے کہ طالبان پاکستانی سرحد عبور کرکے افغانستان میں پرتشدد کارروائیاں کرنے آتے ہیں جبکہ پاکستان نے ہمیشہ اس الزام کی تردید کی ہے۔

افغان صدر حامد کرزئی کے بقول قبائلی علاقوں میں دہشت گردوں کے مدارس ختم کرنا، باڑ لگانے یا بارودی سرنگیں بچھانے سے زیادہ مفید ثابت ہو گا۔

جمعرات کو ایک پریس کانفرنس سے خطاب کرتے ہوئے انہوں نے کہا کہ ’سرحد پر باڑ لگانے یا بارودی سرنگیں بچھانے سے ناصرف لوگوں کی نقل حرکت متاثر ہو گی بلکہ پاک افغان تجارت پر بھی منفی اثرات مرتب ہوں گے‘۔

اقوامِ متحدہ نے بھی یہ کہتے ہوئے پاکستانی منصوبے پر تنقید کی ہے کہ اس سے عام شہریوں کی اموات میں اضافہ ہو جائے گا۔

منگل کو پاکستانی دفترِ خارجہ نے کہا تھا کہ پاک افغان سرحد پر موجود باڑ اور بارودی سرنگیں طالبان کو سرحد عبور کرکے نیٹو فوج کے ساتھ لڑنے سے باز رکھیں گی۔

حکام کے مطابق پاکستان اپنے سرحدی علاقے میں باڑ لگائے گا اور بارودی سرنگیں بچھائے گا اور اس مقصد کے لیے اسے افغانستان سے معاہدہ کرنے کی ضرورت نہیں ہے۔ اس کے علاوہ سرحدی دراندازی روکنے کے لیے مزید فوجی چوکیاں بھی بنائی جائیں گی۔

 
 
اسی بارے میں
تازہ ترین خبریں
 
 
یہ صفحہ دوست کو ای میل کیجیئے پرِنٹ کریں
 

واپس اوپر
Copyright BBC
نیٹ سائنس کھیل آس پاس انڈیاپاکستان صفحہِ اول
 
منظرنامہ قلم اور کالم آپ کی آواز ویڈیو، تصاویر
 
BBC Languages >> | BBC World Service >> | BBC Weather >> | BBC Sport >> | BBC News >>  
پرائیویسی ہمارے بارے میں ہمیں لکھیئے تکنیکی مدد