BBCUrdu.com
  •    تکنيکي مدد
 
پاکستان
انڈیا
آس پاس
کھیل
نیٹ سائنس
فن فنکار
ویڈیو، تصاویر
آپ کی آواز
قلم اور کالم
منظرنامہ
ریڈیو
پروگرام
فریکوئنسی
ہمارے پارٹنر
آر ایس ایس کیا ہے
آر ایس ایس کیا ہے
ہندی
فارسی
پشتو
عربی
بنگالی
انگریزی ۔ جنوبی ایشیا
دیگر زبانیں
 
وقتِ اشاعت: Sunday, 11 January, 2009, 01:03 GMT 06:03 PST
 
یہ صفحہ دوست کو ای میل کیجیئے   پرِنٹ کریں
غزہ میں کارروائی کے خلاف مظاہرے
 
مظاہرہ
بی بی سی کے مطابق تقریباً پچاس ہزار کےقریب افرادنےریلی میں شرکت کی
برطانیہ کے دارالحکومت لندن میں ہزاروں مظاہرین نے غزہ میں اسرائیلی فوجی کارروائی کے خلاف مظاہرہ کیا اور فوری جنگ بندی کا مطالبہ کیا۔

مظاہرہ پر امن طریقے سے شروع ہوا لیکن جب مظاہرین اسرائیلی سفارتخانے کے قریب پہنچے تو پولیس کے ساتھ چند جھڑپیں بھی ہوئیں۔

جھڑپوں میں تین پولیس والے معمولی زخمی ہوئے ہیں اور ایک دکان کے شیشے ٹوٹ گئے۔

میٹروپولیٹن پولیس کا کہنا ہے کہ مظاہرے میں تقریباً بیس ہزار افراد نے شرکت کی لیکن بی بی سی کے اندازے کے مطابق مظاہرین پچاس ہزار کے قریب تھے۔

اسرائیلی سفارتخانے کو پولیس کی ایک بھاری نفری نے گھیرا ہوا تھا۔

بی بی سی کے نامہ نگار رابرٹ ہال کے مطابق مظاہرین کی اتنی بڑی تعداد کے حوالے سےمظاہرہ پر امن رہا۔

مظاہرہ
ویسے تو مظاہرہ پرامن رہا لیکن اندھیرا ہوتے ہی کچھ مظاہرین اور پولیس میں چھڑپیں شروع ہو گئیں

’لیکن جیسے ہی اندھیرا چھایا لوگوں کے ایک چھوٹے گروہ نے، جن کی تعداد سینکڑوں میں تھی‘ پولیس سے جھڑپیں شروع کر دیں اور ان پر چیزیں پھینکنا شروع کر دیے۔‘

پولیس نے پندرہ افراد کو حراست میں لے لیا ہے۔

پیٹروپولیٹن پولیس کے کمانڈر باب براڈہرسٹ نے کہا کہ چند لوگ مظاہرین کی ایک بڑی تعداد کے مقصد کو نقصان پہنچا رہے ہیں، وہ لوگ جو قانون کی پاسداری کرنے والے شہری ہیں اور پرامن طریقے سے مظاہرہ کرنا چاہتے ہیں۔

یہ مارچ ’سٹاپ دی وار کولیشن‘، ’برٹش مسلم انیشی ایٹو‘ اور ’پیلسٹائن سولیڈیریٹی کیمپین‘ جیسے گروہوں نے منعقد کروائی تھی۔

مجمع سے خطاب کرنے والوں میں برائن اینو، لندن کے سابق میئر کین لیونگسٹن، اور سابق وزیرِ اعظم ٹونی بلیئر کی اہلیہ شری بلیئر کی سوتیلی بہن لورن بوتھ بھی شامل تھیں۔

’سٹاپ دی وار‘ کی تحریک چلانے والی لنڈسے جرمن نے کہا کہ ’ہم مطالبہ کر رہے ہیں کہ (غزہ میں) قتلِ عام ختم کیا جائے اور اسرائیل غزہ اور فلسطین سے نکل جائے۔‘

اس کے علاوہ ایڈنبرا، ابردین، بیلفاسٹ، نیوکاسل اور ساؤتھیمپٹن میں بھی اسرائیل مخالف مظاہرے ہوئے۔

 
 
’لاشوں کے ٹکڑے‘
’میری بیوی، بیٹوں کی لاشیں گھر میں ہیں‘
 
 
تباہی ہی تباہی
ایسے مناظر کے دل دہل جائے: ریڈ کراس
 
 
قرارداد کا متن
غزہ فائربندی، سکیورٹی کونسل کی قرارداد
 
 
اسی بارے میں
’اسرائیل چاہتا کیا ہے‘
10 January, 2009 | آس پاس
صدر عباس کی کشمکش
10 January, 2009 | آس پاس
تازہ ترین خبریں
 
 
یہ صفحہ دوست کو ای میل کیجیئے   پرِنٹ کریں
 

واپس اوپر
Copyright BBC
نیٹ سائنس کھیل آس پاس انڈیاپاکستان صفحہِ اول
 
منظرنامہ قلم اور کالم آپ کی آواز ویڈیو، تصاویر
 
BBC Languages >> | BBC World Service >> | BBC Weather >> | BBC Sport >> | BBC News >>  
پرائیویسی ہمارے بارے میں ہمیں لکھیئے تکنیکی مدد