بھارت پولیو کے خاتمے کے قریب پہنچ گیا

بھارت کے وزیر برائے صحت غلام نبی آزاد نے پولیو کے عالمی دن پر کہا کہ انڈیا پولیو کے خاتمے کے جتنا قریب اب ہے اس سے پہلے کبھی نہیں تھا۔

ان کا کہنا تھا کہ جب سے پولیو کے خاتمے کی عالمی مہم شروع ہوئی ہے اس کے بعد سے بھارت میں گزشتہ نو ماہ کے دوران پولیو کا ایک بھی کیس سامنے نہیں آیا اور یہ بھارت میں پولیو کی بیماری کے آثار نہ ملنے کا طویل ترین وقفہ ہے۔

انہوں نے بتایا کہ اس بیماری کا واحد کیس گزشتہ جنوری کے دوران مغربی بنگال سامنے آیا تھا۔ جب کہ دو ہزار دس کے دوران اسی مدت میں اس بیماری کے انتالیس کیسز رپورٹ ہوئے تھے۔