یمن: القاعدہ کے 12قیدی جیل توڑ کر فرار

یمن میں حکام کا کہنا ہے کہ ملک کے جنوبی حصے میں واقع ایک جیل سے القاعدہ کے بارہ قیدی فرار ہوگئے ہیں۔

جیل توڑنے کی کارروائی انہوں نے دو دیگر قیدیوں کے ساتھ مل کر کی اور اس کے لیے انہوں نے چھ میٹر طویل سرنگ کھودی۔

یمنی حکام کا کہنا ہے کہ فرار ہونے والے ملزمان کے خلاف بینک ڈکیتی اور سکیورٹی اہکاروں کو ہلاک کرنے کے مقدمات عدالتوں میں زیرِ التوا تھے۔

جون میں القاعدہ کے جنگجوؤں نے جنوبی یمن کے شہر مکلاّ کے مرکزی جیل پر دھاوا بولا تھا اور درجنوں قیدیوں کو چھڑوا کر لے گئے تھے۔