بھارت: شمالی علاقے سردی کی لپیٹ میں

بھارت کے ذرائع ابلاغ کے مطابق ملک کے شمالی علاقوں میں سردی کی شدید لہر سے ہلاک ہونے والے افراد کی تعداد انتالیس ہو گئی ہے۔

سردی کی حالیہ لہر میں سب سے زیادہ ہلاکتیں ریاست اترپردیش، پنجاب اور ہریانہ میں ہوئیں ہیں۔

ہلاک ہونے والوں میں زیادہ تر بے گھر افراد ہیں۔

گزشتہ ہفتے بھارت کی عدالت عظمیٰ نے حکومت کو حکم دیا تھا کہ سردیوں میں بے گھر افراد کو عارضی پناہ گاہیں فراہم کرے۔