پشاور: گیس دھماکے میں سات افراد ہلاک

پشاور کے گنجان آباد علاقے نمک منڈی میں بدھ کی صبح گیس کے دھماکے سے دو مکان تباہ اور سات افراد ہلاک ہو گئے ہیں۔

ہلاک ہونے والوں میں چار بچے اور دو خواتین بھی شامل ہیں۔

پولیس اہلکاروں کے مطابق نمک منڈی کے رہائشی علاقے شاہ قبول کالونی میں ایک مکان میں گیس رسنے کی وجہ سے مکان میں گیس بھر گئی اور جب مکینوں نے ماچس کی تیلی سلگائی تو اس سے دھماکہ ہوا ہے۔ یہ مکان ارشد رحمان نامی شخص کا بتایا گیا ہے۔

۔