کراچی میں کشیدگی، اے این پی کا آج یوم سوگ

پاکستان کے سب سے بڑے شہر کراچی میں بدھ کو عوامی نیشنل پارٹی کے رہنما کی ہلاکت کے بعد شہر میں صورتِ حال دوبارہ کشیدہ ہوگئی ہے۔

بدھ کی شام کراچی کےمصروف علاقےناظم آباد میں میٹرک بورڈ آفس کے قریب نامعلوم مسلح موٹر سائیکل سواروں نے ایک کار میں سوار عوامی نیشنل پارٹی کے دو مقامی رہنماؤں کو نشانہ بنایا جس سے ایک ہلاک اور دوسرے شدید زخمی ہوگئے۔

کراچی میں اپنے کارکنان کی ہلاکت پر اے این پی نے جمعرات کو یومِ سوگ منانے کا اعلان کیا ہے۔