’وزن میں پانچ کلو اضافہ ممکن ہے‘

ماہرین کا کہنا ہے کہ تمباکو نوشی ترک کرنے والوں کے وزن میں تقریباً پانچ کلوگرام اضافہ ہوتا ہے۔

ایک نئی تحقیق کے مطابق تمباکو نوشی ترک کرنے کے ایک سال میں لوگوں کو توقع کرنی چاہیے کہ ان کا وزن پانچ کلو بڑھے گا۔

یاد رہے کہ تمباکو نوشی ترک کرنے سے متعلق پنفلٹس پر لکھا جاتا ہے کہ تین کلو وزن بڑھے گا۔ اور عام طور پر خواتین کا کہنا ہے کہ وہ تمباکو نوشی کو ترک کرنے کے لیے 2.3 کلو وزن میں اضافہ برداشت کرنے کو تیار ہیں۔