افغانستان: فائرنگ سے نیٹو کے تین فوجی ہلاک

آخری وقت اشاعت:  جمعرات 30 اگست 2012 ,‭ 20:55 GMT 01:55 PST

افغانستان میں نیٹو حکام کے مطابق افغان فوج کی وردی میں ملبوس ایک شخص کی فائرنگ سے نیٹو کے تین فوجی ہلاک ہو گئے ہیں۔

نیٹو کی جانب سے جاری ہونے والے بیان میں اس واقعہ کے بارے میں مزید تفصیل نہیں بتائی گئی ہے کہ یہ کہاں پیش آیا اور ہلاک ہونے والے فوجیوں کی شہریت کیا تھی۔

افغان سکیورٹی فورسز کی وردی میں ملبوس مسلح افراد کے حملے’ گرین آن بلیو‘ کے واقعات میں رواں سال اضافہ ہوا ہے۔

رواں سال اس طرح کے تیس واقعات میں اتحادی افواج کے پینتالیس فوجی ہلاک ہو چکے ہیں۔

نیٹو افواج نے سال دو ہزار تیرہ کے آخر تک افغانستان سے انخلاء کا اعلان کر رکھا ہے اور اس وقت وہ افغان سکیورٹی اہلکاروں کی تربیت کر رہی ہے تاکہ وہ ملک کی سکیورٹی ذمہ داری سنبھال سکیں۔

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔