سعودیہ:30 ہزار پاکستانیوں کا قیام غیرقانونی

سعودی عرب کی حکومت کی جانب سے اپنے شہریوں کو ملازمتوں کے زیادہ مواقع فراہم کرنے کے لیے بنائے گئے نئے قوانین کے باعث سلطنت میں مقیم ہزاروں پاکستانی کارکن غیر قانونی رہائشی قرار دے دیے گئے ہیں۔

نئے لیبر قوانین کے مطابق وہ غیر ملکی کارکن جو’آزاد‘ ویزے پر سعودی عرب میں مقیم تھے یا ویزے پر درج پیشے کے علاوہ کوئی دوسرا کام کر رہے تھے، ان کا قیام غیر قانونی تصور ہو گا۔

سعودی عرب میں پاکستانی سفیر محمد نعیم خان کے مطابق ایسے افراد کی درست تعداد معلوم کرنے کے لیے رجسٹریشن کا عمل جاری ہے تاہم اب تک کی اطلاعات کے مطابق تقریباً تیس ہزار پاکستانی ان نئے قوانین سے متاثر ہوئے ہیں۔