ننھے منے جانوروں کے جذبات کی عکاسی

Wildlife photograph of a gecko by Muhammad Roem

،تصویر کا ذریعہMuhammad Roem

،تصویر کا کیپشن

چھپکلی کی یہ شرارتی سی تصویر محمد روئم کی پسندیدہ تصویر ہے

انڈونیشیا کے فوٹوگرافر محمد روئم کی جانوروں کے چہروں کی تصاویر خاصی حیران کن ہیں۔

رقص کرتے ہوئے مینڈکوں سے لے کر شرارتی انداز میں چھپکلیاں تک شاید ہی کوئی چیز 28 سالہ محمد روئم کے کیمرے سے بچ پائی ہے۔

محمد روئم ایک پیشہ ور نرس ہیں اور انھوں نے تین سال قبل مشغلے کے طور فوٹوگرافی شروع کی تھی۔

وہ باٹام شہر میں مقیم ہیں اور فارغ اوقات میں وہ جنگلی حیات کا پیچھا کرتے ہیں۔

انھوں نے بی بی سی کو بتایا کہ 'میں کیڑوں کا پیچھا کرتا ہوں تاکہ ان کے چہرے کے تاثرات کو عکس بند کر سکوں۔ بعض اوقات ایک درجن سے زائد تصاویر میں سے صرف ایک اچھے تاثرات والی تصویر سامنے آتی ہے۔ دیگر دنوں میں مجھے کچھ نہیں ملتا۔'

،تصویر کا ذریعہMuhammad Roem

،تصویر کا کیپشن

محمد روئم کی بعض تصاویر واقعی کسی دوسری دنیا کی دکھائی دیتی ہیں

محمد روئم کا کہنا ہے کہ 'بہت سے لوگ نہیں جانتے یا ایک جانور کے مخصوص حصوں کی جانب دھیان نہیں دیتے۔ میں ایک خاص حصے کی عکاسی کرنے کی کوشش کرتا ہوں مثال کے طور پر اگر ان کی آنکھیں دیکھیں تو یہ لاجواب ہیں۔'

،تصویر کا ذریعہMuhammad Roem

،تصویر کا کیپشن

درختی چھپکلی کی آنکھ کا منظر - پلک چھپکنے کی دیر ہے اور یہ نظارہ کھو دیں گے

،تصویر کا ذریعہMuhammad Roem

،تصویر کا کیپشن

واضح طور پر محمد روئم مینڈکوں کے مداح ہیں

،تصویر کا ذریعہMuhammad Roem

،تصویر کا کیپشن

وہ عام طور پر 100ایم ایم کا میکرو لینز استعمال کرتے ہیں لیکن انتہائی قریب کی تصاویر بنانے کے لیے ایم پی ای 65 ایم ایم کا بھی استعمال کرتے ہیں۔

،تصویر کا ذریعہMuhammad Roem

،تصویر کا کیپشن

سرخ اور سیاہی مائل ایک کیڑے کی حیران کن اور واضح تصویر

،تصویر کا ذریعہMuhammad Roem

،تصویر کا کیپشن

ڈریگن فلائی کی اس تصویر میں آپ بارش کے قطروں کو بھی محسوس کر سکتے ہیں

محمد روئم کہتے ہیں کہ 'میں نے اپنے طور پر فوٹوگرافی سیکھنا شروع کی تھی پھر مجھے اپنے ایک استاد اس کا فیڈ بیک ملنا شروع ہوا۔

'میں تصویریں بنانے کے لیے زیادہ تر باٹام میں گھومتا ہوں لیکن جب کبھی وقت ملتا ہے میں انڈونیشیا کے دوسرے علاقوں میں جانے کی کوشش بھی کرتا ہوں۔'

اپنی مصروف زندگی میں انھیں تصاویر بنانے کا بہت کم وقت ملتا ہے لیکن جب وہ تصویریں بناتے ہیں ہر تصویر کی ایڈٹنگ کے لیے ایک ہفتے تک کا وقت صرف کرتے ہیں۔

وہ کہتے ہیں:'ایک تصویر کے لیے میں تقریباً پورا دن لگا دیتا ہوں۔ لیکن تصویر کی مکمل تیاری میں جیسا کہ ایڈٹنگ اور پراسسنگ میں ایک ہفتے تک کا وقت لگ سکتا ہے۔'

تصاویر بشکریہ: محمد روئم