ایران پر سائبر حملہ، ہنگامی اجلاس منعقد

ایران

،تصویر کا ذریعہEPA

ایرانی حکام نے ایک ایمرجنسی اجلاس میں جمعے کی رات کو ملک کے سائبر انفراسٹرکچر پر بڑے حملے پر بات چیت کی ہے۔

حکومت کا کہنا ہے کہ ملک کے ہزاروں انٹرنیٹ راؤٹرز میں چند ہی اس سائبر حملے میں متاثر ہوئے ہیں تاہم کئی ویب سائٹس عارضی طور پر ڈاؤن ہیں۔

ایرانی وزیر برائے مواصلات محمد جواد کا کہنا ہے کہ تحقیقات کی جا رہی ہیں کہ یہ حملہ کہاں سے کیا گیا۔ تاہم انھوں نے کہا کہ ان کو شک ہے کہ اس حملے کے تانے بنانے امریکہ سے ملتے ہیں۔

’ممکنہ طور پر یہ سائبر حملہ مشرق وسطیٰ سے نہیں کیا گیا۔‘

،تصویر کا ذریعہTwitter

انھوں نے کہا یہ حملے سسکو کے سرور میں سکیورٹی کی کمی کے باعث ہوئےہیں اور اس سے ایران کے علاوہ اور ممالک بھی متاثر ہوئے ہیں۔۔

ایران کی سائبر پولیس کا کہنا ہے کہ کسی قسم کی معلومات چوری نہیں ہوئیں۔

ایران کی کمیونیکیشن انفراسٹرکچر کمپنی کا کہنا ہے کہ نیشنل انفارمیشن نیٹ ورک متاثر نہیں ہوا ہے۔

،تصویر کا ذریعہTwitter