’ہوا میں اڑنے والی ایسٹن مارٹن‘ کا ماڈل متعارف

کار تصویر کے کاپی رائٹ AFP

پرتعیش کار بنانے والی برطانوی کمپنی آسٹن مارٹن نے ایک ایسی ہوائی سواری کا ماڈل متعارف کرایا ہے جسے انھوں نے 'ہوا میں اڑنے والی سپورٹس کار' کے طور پر پیش کیا ہے۔

فارنبوروہ میں ہونے والے ایئر شو میں آسٹن مارٹن نے اس سواری کو متعارف کرایا جسے انھوں نے جیٹ اور گاڑیاں بنانے والی معروف کمپنی رولز رائس کی مدد سے کرین فیلڈ یونیورسٹی میں تیار کیا اور امید ظاہر کی کہ وہ اس کے ہوائی ماڈل کو دو سال میں پیش کر دیں گے۔

اسی بارے میں

اور اب خودکار ہوائی ٹیکسی بھی آ گئی

اڑن گاڑیوں کا ڈرائیونگ سکول

وولانٹے ویژن کونسیپٹ کے نام سے متعارف کرائے جانے والی یہ ہوائی سواری میں جدید ترین ٹیکنالوجی شامل ہوگی اور اس کی رفتار کی حد دو سو میل فی گھنٹہ ہوگی۔

تصویر کے کاپی رائٹ AFP
Image caption گاڑی کی متوقع قیمت تیس سے پچاس لاکھ پاؤنڈ ہوگی

تین سیٹوں پر مشتمل ہائبرڈ اور برقی مدد سے چلنے والی گاڑی ہیلی کاپٹر کی طرح اپنی جگہ سے ہی اڑنے اور اترنے کی قابل ہوگی۔

کمپنی کے سینئیر اہلکار جیمز سٹیفنز نے کہا کہ 'برقی طاقت سے چلنے والی ہوائی سواریاں مستقبل کا حصہ ہیں اور ہمیں اس پر کام شروع کر دینا چاہیے۔'

آسٹن مارٹن کے علاوہ بھی دنیا بھر میں دیگر کمپنیاں اس حوالے سے کام کر رہی ہیں۔

جیمز سٹیفنز نے مزید کہا کہ آسٹن مارٹن اس مارکیٹ میں پہلے قدم رکھنا چاہتی ہے تاکہ اس کی سبقت برقرار رہے اور امیر اور شوقین لوگ ان کی کمپنی کی بنائی ہوئی گاڑیوں کو خریدیں۔

واضح رہے کہ ایک گاڑی کی قیمت اندازً تیس سے پچاس لاکھ پاؤنڈ ہوگی۔

اسی بارے میں