شفق کے رنگوں میں جنگلی جانوروں کی ’پراسرار‘ تصاویر

وائلڈ لائف فوٹوگرافی گریگ ڈو ٹوئٹ نے جنوبی اور مشرقی افریقہ میں جانوروں کی حیرت انگیز یک رخی (سلوئٹڈ) تصاویر بنائی ہیں جن کا مقصد افریقی تجسس اور اسرار کو ظاہر کرنا ہے۔

ان جانوروں میں شیر، زرافت، لم ڈھینگ، ہاتھی، تیندوے، گینڈے اور زیبرے شامل ہیں جو غروب آفتاب اور طلوع آفتاب کے پس منظر میں عکس بند کیے گئے ہیں۔

یہ تصاویر ایک سیریز 'ڈان ٹو ڈسک' کا حصہ ہیں اور یہ بوسٹوانا، زمبابوے، نمبینیا، تنزانیہ، کینیا اور زیمبیا میں بنائی گئی ہیں۔

فوٹوگرافر ڈو ٹوئٹ نے میڈیا ڈرم نیوز ایجنسی کو بتایا: ’میں ناقابل یقین تنوع اور اسرار دکھانا چاہتا تھا اور متجسس تھا کہ میں ان جنگلی جانوروں کے بارے میں کیا سوچتا ہوں۔‘

یہ کام سرانجام دینے کے لیے ڈو ٹوئٹ نے کم روشنی میں عکس بندی میں مہارت حاصل کی اور بہترین تصاویر لینے کے لیے کئی کئی گھنٹے صرف کیے۔

ڈو ٹوئٹ اس سے قبل سنہ 2013 میں والڈ لائف فوٹوگرافر آف دی ایئر کا ایوارڈ حاصل کر چکے ہیں، انھیں اپنی تصویر 'ایسینس آف ایلی فینٹس' پر یہ انعام ملا تھا۔

'ڈان ٹو ڈسک' سیریز کی دو ڈرامائی تصاویر میں ایک زخمی پاڑہ ہرن کو آگ سے جان بچانے دیکھا جا سکتا ہے، یہ تصویر جنوبی اور مغربی افریقہ میں پھیلے سیرینگیٹی کے میدانوں میں لگی تھی۔

وہ کہتے ہیں: ’ہم نے دیکھا کہ ایک پاڑہ ہرن (آگ سے دور) بھاگ نہیں رہا، قریبی مشاہدہ کرنے سے ہمیں معلوم ہوا کہ اس کی سامنے کی ایک ٹانگ ٹوٹی ہوئی ہے۔‘

’میں خوف سے اسے دیکھا کیونکہ شعلے اس کے تقریبا اردگرد آچکے تھے اور پھر وہ وہاں سے بھاگ گیا۔‘

گریگ ڈو ٹوئٹ کی مزید تصاویر ان کے انسٹاگرام اکاؤنٹ پر دیکھی جا سکتی ہیں۔