دماغ چکرا دینے والی تصاویر

تصویر تصویر کے کاپی رائٹ ALICE PROVERB / TWITTER

اس تصویر میں آپ کو کیا دکھائی دے رہا ہے؟ کیا یہ منجمد تصویر ہے یا اس میں حرکت ہے؟ کیا یہ تصویر ہی ہے یا کوئی ویڈیو یا جف ہے؟

اصل میں یہ تصویر نظر کا دھوکہ ہے۔ اس تصویر کو انٹرنیٹ پر بہت شیئر کیا جا رہا ہے۔ اب تک لاکھوں افراد نے اس تصویر کو شیئر کیا ہے۔

سب سے پہلے یہ تصویر نیورو ساائنٹسٹ ایلس بروورب نے ٹویٹر پر شیئر کی تھی۔ ان کا مقصد تھا کہ وہ جان سکیں کہ انسانی دماغ کیسے کام کرتے ہیں۔

اس تصویر کو ملٹی میڈیا آرٹسٹ با ڈیل نے تیار کیا ہے۔ اس تصویر میں گیند گھومتی ہوئی نظر آ رہی ہے۔

ایلس کا کہنا ہے کہ یہ جف نہیں ہے بلکہ باکل ساکت تصویر ہے۔ اس تصویر کو اس انداز سے تیار کیا گیا ہے کہ یہ دماغ کو دھوکہ دیتی ہے اور اسی وجہ سے یہ گیند حرکت کرتی ہوئی نظر آتی ہے۔

دماغ تصویر کے کاپی رائٹ Getty Images

دماغ کیسے دھوکہ کھاتا ہے؟

ایلس نے سوشل میڈیا پر لکھا ہے ’دماغ دھوکہ اس وقت کھاتا ہے جب وی 4 مکمل ہوتا ہے اور وی 5 اپنا کام شروع کرتا ہے۔‘

لیکن ایلس نے بجائے یہ سمجھانے کے کہ یہ تصویر حرکت کرتی ہوئی کیوں نظر آتی ہے انھوں نے چند مزید سوالات اٹھائے۔ وی 5 اور وی4 کیا ہیں اور ان کا ہمارے دماغ سے کیا تعلق ہے؟

’وی 5 دماغ کا وہ حصہ ہے جو حرکت کو سمجھنے میں مدد کرتا ہے جبکہ وی 4 رنگ اور شکل پہنچاننے میں مدد کرتا ہے۔‘

انھوں نے مزید کہا ’اس دوہرے فنکشن کے باعث ہمیں یہ دھوکہ ہوتا ہے۔‘

تصویر تصویر کے کاپی رائٹ BEAU DEELEY / TWITTER

ایلس کی ٹویٹس پر آرٹسٹ با ڈیل نے مزید تصاویر شیئر کی ہیں۔

اگر آپ کو ان تصاویر میں کوئی حرکت نظر نہیں آ رہی تو عین ممکن ہے کہ آپ یہ تصاویر بڑی سکرین پر نہیں دیکھ رہے۔

تصویر تصویر کے کاپی رائٹ BEAU DEELEY / TWITTER
تصویر تصویر کے کاپی رائٹ BEAU DEELEY / TWITTER

۔