پورشے پر 33 ارب ڈالر کے جرمانے، معاوضے اور نقصان

پورشے تصویر کے کاپی رائٹ Getty Images

جرمنی میں حکام نے گاڑیاں بنانے والی کمپنی پورش کو ڈیزل انجنوں سے مقررہ حد سے زیادہ مضر صحت گیسوں کے اخراج کے سکینڈل پر ساٹھ کروڑ ڈالر کا جرمانہ کیا ہے۔

جرمنی کے شہر سٹٹگارٹ میں سرکاری وکلا کا کہنا تھا کہ سنہ دو ہزار نو سے کمپنی یہ بات یقینی بنانے میں غفلت سے کام لیتی رہی ہے کہ اس کی بنائی ہوئی ڈیزل گاڑیوں سے نائٹروجن آکسائڈ کا اخراج مقررہ حد سے تجاوز نہ کرے۔

پورش کمپنی اس جرمانے کے خلاف اپیل نہیں کرے گی۔

تصویر کے کاپی رائٹ Getty Images

یہ جرمانہ ان تحقیقات کے علاوہ ہے جو ان افراد کے خلاف کی جاری رہی ہیں جنھوں نے مبینہ طور پر گیس کے اخراج کو کم دکھانے کے لیے کمپیوٹر سافٹ ویئر بنایا تھا۔

پہلی مرتبہ یہ اسکینڈل سنہ 2015۔ میں سامنے آیا تھا۔ اب تک واکسویگن گاڑیاں بنانے والی اس کمپنی کو معاوضوں، جرمانوں اور مارکیٹ سے گاڑیاں واپس اٹھاونے پر مجموعی طور پر 33 ارب ڈالر کا نقصان ہو چکا ہے۔

اسی بارے میں