مریخ پر کیوروسٹی کے آلے کو نقصان

آخری وقت اشاعت:  بدھ 22 اگست 2012 ,‭ 08:13 GMT 13:13 PST

امریکی خلائی ایجنسی ناسا کا کہنا ہے کہ مریخ پر بھیجی گئی کیوروسٹی میں نصب ہوا کی رفتار معلوم کرنے والے آلے کو نقصان پہنچا ہے۔

مشن ٹیم کا کہنا ہے کہ اس آلے کو معمولی نقصان ہوا ہے۔ ان کا مزید کہنا ہے کہ یہ کوئی بڑا نقصان نہیں ہے اور کیوروسٹی معلومات بھیجتی رہے گی لیکن کچھ معلومات کا معیار تھوڑا کم ہو جائے گا۔

اس بارے میں حتمی فیصلہ نہیں ہو سکا کہ اس آلے کو نقصان کیسے پہنچا ہے لیکن اندازہ لگایا جا رہا ہے کہ کیوروسٹی کی مریخ پر لینڈنگ کے وقت پتھر اڑ کر اس آلے کو لگے ہوں گے جس کے باعث یہ نقصان پہنچا۔

واضح رہے کہ کیوروسٹی دو ہفتے قبل ہی مریخ پر لینڈ کی ہے۔

یاد رہے کہ امریکی خلائی ایجنسی ناسا کی ربوٹک گاڑی ’کیوروسٹی‘ مریخی پتھروں کو معائنے کی غرض سے توڑنے کے لیے تیار ہے۔

کیوراسٹی کے قریب پڑے پتھر کی سطح کو شعاعوں سے بخارات میں تبدیل کر دیا جائے گا تاکہ اس کی بنیادی کیمیات معلوم کی جاسکیں۔

ناسا کی مشن ٹیم کو اس نقصان کا خدشہ اس وقت ہوا جب اس آلے سے ملنے والی معلومات صحیح نہیں آ رہی تھیں۔

ہوا کی رفتار معلوم کرنے والا یہ آلے کیوروسٹی کے ایک جانب لگا ہوا ہے۔ تاہم سامنے لگا ہوا آلہ ابھی بھی صحیح ہے اور معلومات صحیح طور پر ناسا تک پہنچا رہا ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔