گوگل نے فحش بلاگز تک رسائی روکنے کا ارادہ بدل دیا

Image caption گوگل کا کہنا ہے کہ وہ بلاگز کو پرائیویٹ کرنے کی بجائے اپنی نگرانی کے کام کو بہتر کرے گا

گوگل نے اپنے بلاگر پلیٹ فارم پر موجود فحش مواد شائع کرنے والے بلاگز کو پرائیویٹ کرنے کا اپنا ارادہ بدل لیا ہے۔

اس ہفتے کے آغاز پر گوگل نے فحش تصاویر یا ویڈیوز والے بلاگز اور بلاگروں کو خبردار کیا تھا کہ وہ 23 مارچ تک انہیں پرائیویٹ کر دے گا۔

تاہم اب گوگل کا کہنا ہے کہ ’بڑے پیمانے پر ردِعمل‘ کے نتیجے میں اس نے اپنی موجود پالیسی کو جاری رکھنے کا فیصلہ کیا ہے۔

کمپنی کا کہنا ہے کہ ’فحش مواد رکھنے والے بلاگ اپنے آپ کو ایڈلٹ یا بالغوں کے لیے کے طور پر شناخت کروانا جاری رکھیں گے۔‘

اس کا مطلب ہے کہ اس سے قبل کے صارفین کسی ایسے بلاگ پر جائیں گے تو انہیں پہلے ایک خبردار کرنے والا صفحہ دکھائی دے گا۔

گوگل کا کہنا ہے کہ وہ کسی بھی بلاگ کے ساتھ بالغ کا ٹیگ لگانے کا حق محفوظ رکھتے ہیں جس کے بارے میں وہ سمجھیں کہ اس کے ساتھ ایسا مطابقت رکھتا ہو گا۔

گوگل نے کہا ہے کہ اس نے بجائے بلاگز کو پرائیویٹ کرنے کے یہ فیصلہ کیا ہے کہ وہ کمرشل فحش مواد یا پورن شائع کرنے کے خلاف کارروائی کو تیز کرے گا۔

اس کا یہ بھی کہنا ہے کہ وہ ایسے بلاگرز کے خلاف کوئی کارروائی نہیں کرے گا جنہوں نے اپنے بلاگ کو صحیح طریقے سے شائع کیا ہے کہ یہ بالغوں کے لیے ہیں تو اُن کے خلاف کوئی کارروائی نہیں کی جائے گی۔

گوگل نے ابتدا میں یہ تجویز دی تھی کہ وہ ایسے بلاگز جن پر فحش مواد ہے، انہیں اگلے مہینے سے پرائیویٹ کر دے گا اور نئے ایسے بلاگز کو جو 23 مارچ کی ڈیڈ لائن کے بعد بنیں گے انہیں ہٹا دے گا۔

اسی بارے میں