’فیس بک کی لائکس آپ کی شخصیت کی عکاس ہیں‘

تصویر کے کاپی رائٹ AFP
Image caption حال ہی میں ایک دن میں فیس بک پر ایک ارب افراد نے لاگ ان کر کے نیا ریکارڈ قائم کیا ہے

فیس بک سماجی روابط کے لیے دنیا کی مقبول ترین ویب سائٹ ہے جس کے عالمی صارفین کی تعداد ڈیڑھ ارب کے لگ بھگ ہے۔

اس ویب سائٹ کو استعمال کرنے والوں کے لیے کسی بھی دوست کی پوسٹ کو پسند کرنا اور ’لائک‘ کا بٹن دبانا بہت ہی عام بات ہے۔

تاہم اب یونیورسٹی آف کیمبرج سے تعلق رکھنے والے ماہرین کا کہنا ہے کہ فیس بک پر صرف لوگوں کے پسندیدہ مواد سے ہی ان کے بارے میں کافی کچھ پتہ چل سکتا ہے۔

اس کام کے لیے انھوں نے ایک کمپیوٹر پروگرام تیار کیا ہے جو کسی بھی فیس بک صارف کے لائکس کی بنیاد پر اس کا شخصی خاکہ تیار کر سکتا ہے۔

یہ پروگرام بتا سکتا ہے کہ آپ مرد ہیں یا عورت، آپ کا مذہب یا سیاسی نظریہ کیا ہے اور اس کے علاوہ بھی بہت سی معلومات حاصل کی جا سکتی ہیں۔

اس پروگرام کو استعمال کرنے کے لیے آپ کو ایک مخصوص ویب سائٹ پر جا کر اپنی پروفائل کی پیشنگوئی کا آپشن چننا ہوگا اور پھر اس ایپ کو اپنے فیس بک کے لائكس کے بارے میں معلومات لینے کی اجازت دینی پڑے گی۔

ہر فیس بک استعمال کرنے والے فرد کے بارے میں یہ تجزیہ مکمل طور پر درست نہیں ہوتا لیکن اس کے عمومی نتائج درست ہی رہے ہیں۔

اسی بارے میں