ڈیلیٹ کیے ہوئے ایس ایم واپس پائیں

Image caption ’ڈیٹا ریکوری‘ سافٹ ویئرز استعمال کرتے ہوئے آپ حذف شدہ پیغامات واپس لا سکتے ہیں

اگر آپ نے غلطی سے کسی ایسے ایس ایم ایس کو ڈیلیٹ کر دیا ہے جس میں کوئی ضروری معلومات تھیں تو زیادہ پریشان ہونے کی ضرورت نہیں۔

اینڈروئڈ سمارٹ فونز پر آپ ڈیلیٹ کیے ہوئے ایس ایم ایس بھی واپس حاصل کر سکتے ہیں۔

اگرچہ اس بات کی کوئی ضمانت نہیں کہ آپ کا پیغام واپس مل ہی جائےگا لیکن آپ کوشش کرنے میں کوئی حرج نہیں۔

کمپیوٹر پر جب آپ فائل ڈیلیٹ کرتے ہیں تو وہ ایک ٹریش بن میں چلی جاتی ہے اور بالکل اسی طرح اینڈرؤئڈ سمارٹ فون پر بھی ہوتا ہے۔

ایسے فونز پر جو فائل یا پیغام آپ ڈیلیٹ کرتے ہیں وہ مختصر وقت کے لیے فون میں ڈیلیٹ ہونے کے بعد بھی رہتے ہیں۔

’ڈیٹا ریکوری‘ سافٹ ویئرز استعمال کرتے ہوئے آپ وہ پیغامات واپس لا سکتے ہیں۔

ایسے سافٹ ویئر آپ کے فون کو سکین کر کے جو بھی مواد ڈیلیٹ ہوگیا ہے اسے ڈھونڈ نکالتے ہیں۔

اس کے لیے ’اینڈروئڈ ڈیٹا ریکوری‘، ’ڈاکٹر فون‘، ’فون پا‘، اور ’اینڈروئڈ ریکوری‘ جیسے ایپس آپ کے کام آ سکتی ہیں۔

تمام فون کمپنیوں کے لیے میسیجز محفوظ کرنا قانونا لازمی ہے لہذا اگر ایسا کوئی بھی میسج ہے جس کی آپ کو قانوناً ضرورت ہے، تو اسے فون کمپنی سے بھی لے سکتے ہیں۔

لیکن اس کے لیے آپ کو انہیں کچھ دستاویز فراہم کرنے پڑ سکتی ہیں جو یہ ثابت کرے کہ اس پیغام کو عدالت میں پیش کرنا ہے۔

ویسے آپ کے فون میں بھی ایس ایم ایس بیک اپ نامی ایک ایپ بھی آتا ہے جسے آپ استعمال کر سکتے ہیں۔

اسے آپ اپنے سمارٹ فون پر مفت ڈاؤن لوڈ کر سکتے ہیں اور اس کی مفت ایپلیکیشنز میں ایسے کافی فیچرز ہیں جو آپ کو پسند آ سکتے ہیں۔

اسی بارے میں