میسی میڈیا سے نالاں، ٹیم سمیت نیوز کانفرنس کا بائیکاٹ

Image caption ارجنٹینا کو برازیل سے شکست کے بعد کافی تنقید کا سامنا ہے

عالمی شہرت یافتہ فٹ بال کھلاڑی لیونل میسی نے ارجنٹینا کی ٹیم کی حالیہ خراب کارکردگی کی رپورٹس پر سکواڈ سمیت میڈیا کانفرنس کا بائیکاٹ کر دیا۔

ایک ریڈیو رپورٹ کے مطابق ارجنٹینا کے فٹبالر زیکول لویزی نے ٹریننگ سیشن کے بعد چرس پی تھی جس کی انھوں نے تردید کی۔

ارجنٹینا کے ورلڈ کپ کے کوالیفائنگ راؤنڈ میں کولمبیا کو تین صفر سے شکست دینے کے فوری بعد میسی نے میڈیا کے بائیکاٹ کا اعلان کرتے ہوئے کہا کہ ہم پر متعدد الزامات عائد کیے گئے جن میں زیادہ تر میں احترام نہیں کیا گیا ہے لیکن ہم نے اس پر کچھ نہیں کہا۔

میسی اور25 رکنی ٹیم کا سکواڈ کے ساتھ کولمبیا کے ساتھ میچ کے بعد منعقدہ نیوز کانفرنس سے واک آؤٹ کر گئے۔

میسی کے مطابق ہم جانتے ہیں کہ وہاں بہت سارے ایسے ہیں جو کھیل کا حصہ نہیں اور ہمارے لیے احترام نہیں دیکھا رہے بلکہ ہر ممکن طریقے سے ذاتی زندگی میں مداخلت کر رہے ہیں۔

ارجنٹینا کو جمعے کے روز برازیل سے تین صفر سے شکست کا سامنا کرنا پڑا تھا اور اس کے بعد سے انھیں تنقید کا سامنا تھا۔

لیکن ارجنٹینا نے کولمبیا کو تین صفر سے شکست دی ہے اور اس کے بعد نہ صرف پانچویں پوزیشن پر واپس آ گئے ہیں بلکہ ورلڈ کپ میں کوالیفائی کرنے کی دوڑ میں شامل ہو گئے ہیں۔

جنوبی امریکہ کے گروپ میں شامل پہلے چار ممالک سیدھے فائنل میں چلے جائیں گے جبکہ پانچویں پوزیشن پر آنے والے کو ٹیم کو پلے آف مقابلوں میں حصہ لینا ہو گا۔

اس گروپ میں شامل چلی نے سٹرائیکر ایلکس کے دو گولوں کی مدد سے یوروگوئے کو تین ایک سے شکست دے دی۔

اسی بارے میں