موہالی ٹیسٹ میں انگلینڈ کی دوسری اننگز مشکل میں

کک تصویر کے کاپی رائٹ Reuters
Image caption کپتان کک دوسری اننگز میں آؤٹ ہونے والے پہلے انگلش بلے باز تھے

موہالی میں کھیلے جانے والے تیسرے ٹیسٹ میچ کے تیسرے دن کے کھیل کے اختتام پر انگلینڈ نے دوسری اننگز میں چار وکٹوں کے نقصان پر 78 رنز بنائے ہیں۔

انگلینڈ کو انڈیا کی پہلی اننگز کا خسارہ پورا کرنے کے لیے مزید 56 رنز درکار ہیں۔

میچ کا تفصیلی سکور کارڈ

انگلینڈ کو دوسری اننگز کے شروع میں ہی اس وقت نقصان اٹھانا پڑا جب کپتان کک 27 کے مجموعی سکور پر 12 رنز بنا کر آؤٹ ہو گئے۔ اس کے بعد آنے والے بلے باز معین علی بھی زیادہ دیر کریز پر ٹھہر نہیں سکے اور 5 رنز پر آؤٹ ہو گئے۔

آؤٹ ہونے والے تیسرے بلے باز بئیرسٹو تھے جو 15 رنز بنا سکے۔

میچ کے تیسرے دن انڈیا نے چھ وکٹوں کے نقصان پر 71 رنز پر اپنی پہلی اننگز کا دوبارہ آغاز کیا۔

تصویر کے کاپی رائٹ AP
Image caption ایشون اور جڈیجہ نے ذمہ دارانہ کھیل کا مظاہرہ کیا

تیسرے دن انڈیا کی پہلی وکٹ ایشون کی گری جو 72 رنز بنا کر سٹوکس کی گیند پر کیچ آؤٹ ہو گئے۔

اس کے بعد رویندر جاڈیجہ 90 رنز بنا کر آؤٹ ہوئے اور اننگز میں سب سے زیادہ سکور کیا۔

انڈیا کی ساری ٹیم 417 رنز بنا کر آؤٹ ہو گئی اور اسے انگلینڈ پر 134 رنز کی برتری حاصل تھی۔

انڈیا کی جانب سے مرلی وجے اور پارتھو پٹیل نے اننگز کا آغاز کیا اور اس کی پہلی وکٹ 39 کے مجموعی سکور پر گری جب مرلی وجے 12 رنز بنا کر سٹوکس کی گیند پر آؤٹ ہوئے۔

دیگر بلے بازوں میں پٹیل 42، پچارا 51، کوہلی 62، کرن نائر چار اور ریہانے بغیر کوئی رن بنائے آؤٹ ہوئے۔

ایک موقع پر انڈیا کی 156 کے مجموعی پر پانچ وکٹیں گر چکی تھیں تاہم بعد میں ایشون اور جڈیجہ نے ذمہ داری کا مظاہرہ کرتے ہوئے 97 رنز کی شراکت قائم کی۔

انگلینڈ‌کی جانب سے عادل رشید نے 4 اور سٹوکس نے 5 کھلاڑیوں کو آؤٹ کیا۔

خیال رہے کہ پانچ ٹیسٹ میچوں کی سیریز میں انڈیا کو ایک صفر کی برتری حاصل ہے۔

وشاکھاپنٹم میں کھیلے جانے والے دوسرے ٹیسٹ میچ میں انڈیا نے انگلینڈ کو 246 رنز سے شکست دی تھی جب کہ راجکوٹ میں کھیلا گیا پہلا ٹیسٹ میچ بغیر ہار جیت کے فیصلے کے ختم ہو گیا تھا۔

اسی بارے میں