راجر فیڈرر آٹھ مرتبہ ومبلڈن ٹائٹل جیتنے والے پہلے کھلاڑی

فیڈرر

،تصویر کا ذریعہEPA

ومبلڈن اوپن ٹینس ٹورنامنٹ کے مردوں کے فائنل میچ میں سوئٹزرلینڈ کے راجر فیڈرر نے کروشیا کے مارین چلچ کو شکست دے کر تاریخی فتح اپنے نام کی ہے۔

سات مرتبہ کے ومبلڈن چیمپیئن راجر فیڈر ومبلڈن کے سینٹر کورٹ میں مارین چلچ کو شکست دے کر نہ صرف آٹھویں مرتبہ ٹائٹل حاصل کرنے والے دنیا کے پہلے کھلاڑی بن گئے ہیں بلکہ یہ اعزاز حاصل کرنے والے دنیا کے سب سے عمر رسیدہ کھلاڑی بھی بن گئے ہیں۔

پہلے سیٹ میں فیڈرر نے چلچ پر چھ ایک کے مقابلے میں چھ تین سے برتری حاصل کی۔

دوسرا سیٹ بھی فیڈرر نے چھ ایک سے جیت لیا۔

دوسرے سیٹ میں چلچ اس وقت روتے دکھائی دیے جب وہ سلپ ہو گئے اور میڈیکل ٹیم کو میدان میں آنا پڑا۔

تیسرے سیٹ میں چلچ نے کچھ بہتر کھیل کا مظاہرہ کیا لیکن پھر بھی فیڈرر چھ چار سے یہ سیٹ جیت گئے۔

کروشیا کے مارین چلچ نے پہلی بار ومبلڈن کے فائنل تک رسائی حاصل کی ہے۔

35 سالہ راجر فیڈرر نے ٹامس برڈک کو 6-7، 4-7، 6-7، 4-7، اور 4-6 کے فرق سے شکست دے کر 11 ویں مرتبہ ومبلڈن کا فائنل کھیلنے کا اعزاز حاصل کیا تھا۔

میچ جیتنے کے بعد فیڈرر کا کہنا تھا 'ایک اور فائنل کھیلنا میرے لیے اعزاز کی بات ہے۔'

راجر فیڈرر نے کہا کہ'مجھے معلوم نہیں تھا کہ ہر بار جب یہاں آؤں گا تو بہترین ہو گا، یہاں آ کر خود کو بہت اچھا محسوس کیا اور اب ٹرافی اٹھا رکھی ہے، ایک بھی سیٹ نہ ہارنا ایک سحر کی طرح ہے، مجھے ابھی تک اس کا یقین نہیں آیا ہے اور یہ واقعی میں بہت زیادہ ہے۔'

پہلے سیمی فائنل میں کروشیا کے مارین چلچ نے امریکا کے سیم کیوری کو شکست دی تھی۔