آسٹریلیا نے ٹی 20 میں ہدف کے تعاقب کا عالمی ریکارڈ قائم کر دیا

تصویر کے کاپی رائٹ AFP
Image caption آسٹریلیا کے آرون فنچ اور ایلکس کار ریکارڈ ساز پر جیت پر خوشی کا اظہار کرتے ہوئے

آسٹریلیا نے نیوزی لینڈ کو ٹی 20 کے میچ میں شکست دے کر ٹی 20 کے کسی بھی بین الاقوامی میں سکور کے تعاقب کا عالمی ریکارڈ قائم کر دیا ہے۔

نیوزی لینڈ کے شہر آک لینڈ کے ایڈن پارک میں کھیلے جانے والے اس میچ میں آسٹریلیا نے ڈارسی شارٹ اور ڈیوڈ وارنر نے برق رفتاری سے کھیلتے ہوئے صرف 8.3 اووروں میں 121 رنز کی شراکت قائم کر کے نیوزی لینڈ کے سکور 243 رنز تک رسائی آسان بنا دی۔

شارٹ نے 44 گیندوں پر 76 اور وارنر نے 24 گیندوں پر 59 رنز بنائے۔ اس تباہ کن شراکت کے باعث آسٹریلیا نے پہاڑ جیسا ہدف پانچ وکٹوں کے نقصان پر سات گیندیں قبل ہی حاصل کر لیا۔

کرکٹ کے بارے میں مزید پڑھیے

سب سے زیادہ رنز کا ریکارڈ متالی راج کے نام

کرکٹ کی تاریخ کے یادگار چھکے

تیز ترین 9000 رنز کا ریکارڈ بھی وراٹ کوہلی کے نام

اس سے قبل نیوزی لینڈ نے مقررہ 20 اووروں میں مارٹن گپٹل کی دھواں دھار سینچری کی بدولت 243 رنز بنائے۔

گپٹل نے اپنی سینچری صرف 49 گیندوں پر مکمل کی۔ اس سکور میں نو چھکے شامل تھے۔

اس کے علاوہ کولن منرو نے بھی عمدہ اننگز کھیلی اور صرف 33 گیندوں پر 76 رنز بنائے۔

اس میچ میں بلےبازی کے حاوی ہونے کا ایک ثبوت ہے کہ میچ کے دوران دونوں جانب سے 32 چھکے لگے جو ایک مشترکہ عالمی ریکارڈ ہے۔

متعلقہ عنوانات

اسی بارے میں