’میں بال ٹیمپرنگ کر رہا تھا‘: آسٹریلوی کرکٹر کیمرون بینکروفٹ

24 سالہ کیمرون آسٹریلوی ٹیم کے نوجوان ترین کھلاڑی ہیں۔ ان کے خلاف میچ ریفری نے گیند کی حالت تبدیل کرنے کا چارج لگایا ہے اور جرمانہ کیا ہے۔ تصویر کے کاپی رائٹ Getty Images
Image caption 24 سالہ کیمرون آسٹریلوی ٹیم کے نوجوان ترین کھلاڑی ہیں۔ ان کے خلاف میچ ریفری نے گیند کی حالت تبدیل کرنے کا چارج لگایا ہے اور جرمانہ کیا ہے۔

آسٹریلیا کے کھلاڑی کیمرون بینکروفٹ نے اعتراف کیا ہے کہ جنوبی افریقہ کے خلاف تیسرے ٹیسٹ کے دوران وہ بال ٹیمپرنگ کر رہے تھے اور ان کے کپتان سٹیون سمتھ کا کہنا ہے کہ وہ کیمرون کے ارادے کے بارے میں پہلے سے جانتے تھے۔

یاد رہے کہ گذشتہ روز جنوبی افریقہ کے خلاف ٹیسٹ میچ کے تیسرے روز کیمرون بینکروفٹ کو ٹی وی کیمروں نے ایک پیلے رنگ کی ٹیپ بال پر رگڑتے ہوئے عکس بند کیا تھا جس کے بعد یہ بھی دیکھا گیا کہ انھوں نے یہ ٹیپ امپائرز سے چھپانے کے لیے اپنی پتلون میں ڈال لی۔

یہ بھی پڑھیے

ڈیوڈ وارنر حالات سے ناراض ہیں

بال ٹیمپرنگ کا الزام لگانے پر ڈیوڈ وارنر کو جرمانہ

'کرکٹ کے لیجنڈز بھی کرکٹ پہ رحم کریں'

24 سالہ کیمرون آسٹریلوی ٹیم کے نوجوان ترین کھلاڑی ہیں۔ ان کے خلاف میچ ریفری نے گیند کی حالت تبدیل کرنے کا چارج لگایا ہے اور جرمانہ کیا ہے۔

کپتان سٹیون سمتھ کا کہنا ہے کہ یہ ایک انتہائی بڑی غلطی تھی تاہم انھوں نے کہا کہ وہ کپتانی چھوڑیں گے نہیں۔

انھوں نے کہا کہ ٹیم کی ’قیادت‘ نے اس بارے میں بات کی اور سوچا کہ یہ کامیابی حاصل کرنے کا ایک حربہ ہو سکتا ہے۔

میچ میں کھیل کے اختتام پر جنوبی افریقہ نے دوسری اننگز میں 238-5 رنز بنائے تھے اور انھیں 294 رنز کی برتری حاصل ہے۔

دونوں کھلاڑیوں نے اس حوالے سے معافی مانگی ہے۔

تصویر کے کاپی رائٹ Getty Images
Image caption میدان میں کھڑے امپائرز نے ان سے پوچھا تو انھوں نے اپنی جیب سے صرف ایک کالا کپڑا نکال کر دیکھایا جو کہ بظاہر ان کی سن گلاسز کا کور تھا۔

واقعہ پیش کیسے آیا؟

میچ کے دوران جب بال کیمرین بینکروفٹ کے پاس پھینکی گئی تو وہ ٹی وی کیمروں میں انھیں جیب سے نکال کر بال پر ملتے دیکھا جا سکتا ہے، جس کے بعد انھوں نے وہ چیز واپس اپنی جیب میں ڈال لی۔

بظاہر جب یہ فوٹیج نشر کر دی گئی تو انھیں ایک پیغام بھیجا گیا جس کے بعد انھوں نے ٹیپ اپنی پتلون کے ڈال لی۔ اس کے فوراً بعد میدان میں کھڑے امپائرز نے ان سے پوچھا تو انھوں نے اپنی جیب سے صرف ایک کالا کپڑا نکال کر دیکھایا جو کہ بظاہر ان کی سن گلاسز کا کور تھا۔

امپائرز نے گیند تبدیل نہیں کی مگر گراؤنڈ میں لگی بڑی سکرین پر یہ مناظر دیکھا کر شائقین نے ان کے خلاف نعرے بازی شروع کی۔

آسٹریلوی کے سابق کرکٹر شین وارن نے ٹوئٹر پر کہا کہ وہ ان مناظر سے بہت مایوس ہوئے ہیں۔

متعلقہ عنوانات

اسی بارے میں