'مغرب روس کو فٹبال ورلڈ کپ کی میزبانی سے محروم کرنا چاہتا ہے'

ورلڈ کپ تصویر کے کاپی رائٹ Reuters
Image caption رواں سال فیفا فٹبال ورلڈ کپ کی میزبانی روس کے حصے میں آئی ہے

روسی وزارت خارجہ کی ترجمان ماریہ زخارووا نے الزام لگایا ہے کہ برطانیہ اور امریکہ موسم گرما میں ہونے والے فٹبال ورلڈ کپ کی میزبانی سے روس کو محروم کرنا چاہتے ہیں۔

روسی ٹی وی چینل سے تفصیلی انٹرویو کے دوران انھوں نے کہا کہ ان کا 'اصل مقصد فٹبال ورلڈ کپ کو روس سے باہر لے جانا ہے۔'

برطانیہ روس پر الزام لگاتا ہے کہ اس نے برطانیہ میں ایک سابق روسی جاسوس پر حواس کو متاثر کرنے والے مادے سے حملہ کیا ہے اور وہ اسے سزا دینا چاہتا ہے۔

2018 فٹ بال ورلڈ کپ کے آفیشل فٹ بال کا اعلان

روسی ایجنٹ پر کیمیائی حملے کا ذمہ دار روس ہے: امریکہ

’روس بھی برطانوی سفارت کاروں کو جلد ملک بدر کرے گا‘

برطانوی وزیر خارجہ بورس جانسن نے روس میں منعقد ہونے والے ورلڈ کپ کا سنہ 1936 میں ہونے والی نازی جرمنی کے اولمپکس سے موازنہ کیا ہے۔

جبکہ حزب اختلاف کے ایک رکن پارلیمان نے ورلڈ کپ کو ملتوی کرنے یا پھر وہاں سے ہٹا لینے کی بات کہی ہے۔

بہر حال ابھی یہ علم نہیں ہے کہ آیا انگلینڈ کی ٹیم جون میں شروع ہونے والے ان مقابلوں کا بائیکاٹ کرے گی۔

تصویر کے کاپی رائٹ AFP
Image caption جون میں ورلڈ کپ کا افتتاح ہونا ہے

سابق روسی جاسوس کو زہر دیے جانے کے معاملے پر سینکڑوں سفارت کاروں کو دونوں جانب سے ملک بدر کیا گیا ہے۔

جمعے کو 170 روسی سفارتکاروں اور ان کے اہل خانہ نے واشنگٹن کو الوداع کہا جبکہ سینٹ پیٹرز برگ میں امریکی سفارتخانے کو بند کرنے کا حکم دے دیا گیا ہے۔

روسی چینل-5 سے بات کرتے ہوئے ترجمان زخارووا نے کہا: 'میرا خیال ہے کہ وہ ورلڈ کپ روس سے باہر لے جانا چاہتے ہیں۔

'اس کے لیے وہ کوئی بھی طریقہ اختیار کریں گے۔ ان کا ذہن صرف فٹبال پر مرکوز ہے کہ خدا نہ کرے یہ روسی میدان میں اترے۔'

روس جاسوس کو زہر دینے جانے میں اپنے ملوث ہونے کی تردید کرتا ہے۔

اسی بارے میں