اولمپکس کی مشعل یونان سے برطانیہ تک

تصویر کے کاپی رائٹ Getty
Image caption یہ مشعل آٹھ ہزار مشعل برداروں کے ہاتھوں سے گزرے گی۔

لندن اولمپکس سنہ دو ہزار بارہ کے لیے اولمپکس کی مشعل یونان سے برطانیہ میں کورنوال میں لزرڈ کے جزیرے پر واقع رائل نیول ایئر فورس سٹشین کلڈور پر لایا جائے گا۔

خبررساں ادارے رائٹرز کے مطابق برطانوی فضائی کمپنی برٹش ایئر ویز کی ایک پرواز کے ذریعے اولمپکس کی مشعل اس حزیرے پر واقع فضائی اڈے پر اٹھارہ مئی کو پہنچے گی۔ اسی فضائی اڈے پر پرنس ویلیمز نے ہیلی کاپٹر اڑانے کی تربیت حاصل کی تھی۔

یونانی میں اولمپیہ میں دس مئی کو یہ مشعل روشن کی جائے گی اور اس کے بعد یونان کے گرد اس مشعل کو لے ایک مختصر دوڑ لگائی جائے گی۔

اولمپکس مشعل کی برطانیہ میں دوڑ لینڈز اینڈ کے مقام سے انیس مئی کو شروع ہو کر ستائیس جولائی کو سٹراٹفورڈ میں ختم ہو گئی۔

سنہ دو ہزار چار میں ایتھنز اور سنہ دو ہزار آٹھ کے بیجنگ اولمپکس کے لیے اولمپکس کی مشعل کمرشل ایئر پورٹس پر اتری تھی۔

برطانیہ میں یہ مشعل فضائی اڈے پر اترنے کے بعد آٹھ ہزار میل کا سفر شروع کرے گی۔

ستر دنوں پر محیط اس سفر کے دوران اولمپکس کی مشعل ایک ہزار انیس مقامات سے گزرے گی اور آٹھ ہزار مشعل برداروں کے ہاتھوں سے گزرے گی۔

اسی بارے میں