سری لنکا نے بھارت کو شکست دے دی

تصویر کے کاپی رائٹ BBC World Service
Image caption سری لنکا کے کالو سیکرا کو میچ کا بہترین کھلاڑی قرار دیا گیا

آسٹریلیا میں جاری سہ فریقی کرکٹ سیریز کے ایک میچ میں سری لنکا نے بھارت کو اکاون رنز سے شکست دے دی۔

دو سو نواسی رنز کے ہدف کے تعاقب میں بھارت کی پوری ٹیم دو سو اڑتیس رنز بنا کر آؤٹ ہو گئی۔

میچ کا تفصیلی سکور کارڈ

بھارت کی جانب سے ویرات کوہلی نے دو چوکوں کی مدد سے چھیاسٹھ رنز بنائے۔

بھارت کے دوسرے نمایاں بلے باز عرفان پٹھان رہے، انہوں نے سات چوکوں کی مدد سے سینتالیس رنز بنائے۔

سری لنکا کی جانب سے پریرا نے چار، کالو سیکرا نے تین اور ملنگا نے دو کھلاڑیوں کو آؤٹ کیا۔

اس سے پہلے سری لنکا نے ٹاس جیت کر پہلے بیٹنگ کا فیصلہ کیا اور مقررہ پچاس اوورز میں چھ وکٹوں کے نقصان پر دو سو نواسی رنز بنائے۔

سری لنکا کی جانب سے تھیری مین نے چھ چوکوں کی مدد سے باسٹھ رنز بنائے۔

سری لنکا کے دوسرے نمایاں بلے باز دلشان رہے، انہوں نے پانچ چوکوں اور ایک چھکے کی مدد سے اکاون رنز بنائے۔

بھارت کی جانب سے ایشون اور عرفان پٹھان نے دو دو کھلاڑیوں کو آؤٹ کیا۔

سری لنکا کے کالو سیکرا کو میچ کا بہترین کھلاڑی قرار دیا گیا۔

اسی بارے میں