ثانیہ اور بھوپتی کی جوڑی ومبلڈن سے باہر

ثانیہ مرزا اور مہیش بھوپتی
Image caption اس سال ثانیہ مرزا اور مہیش بھوپتی کی جوڑی نے فرنچ اوپن مقابلوں میں مخلوط خطاب حاصل کیا تھ

بھارت کی سٹار ٹینس کھلاڑی ثانیہ مرزا اور مہیش بھوپتی کی جوڑی ومبلڈن کے مکسڈ ڈبلز مقابلوں سے باہر ہو گئی ہے۔

انھیں ایک ان سیڈڈ جوڑی کے ہاتھوں چھ تین اور چھ ایک کے سکور سے سٹریٹ سیٹس میں شکست کا سامنا کرنا پڑا۔

واضح رہے کہ اسی سال ثانیہ مرزا اور مہیش بھوپتی کی جوڑی نے فرنچ اوپن مقابلوں میں مکسڈ ڈبلز کا خطاب حاصل کیا تھا تاہم ومبلڈن میں انھیں دوسرے ہی دور میں شکست کا سامنا کرنا پڑا۔

ثانیہ مرزا اور مہیش بھوپتی کی جوڑی کو ومبلڈن میں پانچواں درجہ دیا گیا تھا لیکن وہ پال ہینلی اور اے کردریاتسیوا کی جوڑی سے شکست کھا گئے۔

بھارت کی یہ جوڑی اپنی لے میں نہیں آسکی اور پہلا گیم چھ تین سے ہارنے کے بعد واپسی نہیں کر سکی اور دوسرا گیم بہت آسانی سے گنوا دیا۔

لندن میں جاری ایک سو چھبیسویں ومبلڈن ٹینس چیمپیئن شپ میں ثانیہ مرزا خواتین کے ڈبلز کے مقابلوں میں ابھی بھی موجود ہیں اور وہ تیسرے راؤنڈ میں پہنچ چکی ہیں۔

اسی بارے میں