’پیرالمپکس ٹکٹوں کی فروخت‘

آخری وقت اشاعت:  منگل 28 اگست 2012 ,‭ 16:56 GMT 21:56 PST

انگلینڈ میں منعقد ہونے والی پیرالمپکس کھیلوں کے منتظمین کا کہنا ہے کہ دس ہزار ٹکٹوں کی فروخت کھیلوں کے دوران کی جائے گی۔

منتظمین کا کہنا ہے کہ پیرالمپکس کھیلوں کے لیے پچیس لاکھ میں سے چوبیس لاکھ ٹکٹیں پہلے ہی فروخت کی جا چکی ہیں۔

ان کھیلوں کے منتظمین کے مطابق بدھ کو شروع ہونے والی پیرالمپکس مقابلوں کی افتتاحی تقریب کے لیے آٹھ سو کے قریب ٹکٹیں فوجیوں اور پولیس کو دی جائیں گی۔

دوسری جانب لندن کے میئر بورس جانسن نے پیرالمپکس مقابلوں کے لیے تقریباً گیارہ سو مفت ٹکٹیں لندن کے ایتھلیٹکس کلبوں کو دینے کا اعلان کیا ہے۔

بورس جانسن کا کہنا ہے ’مجھے اس بات کی خوشی ہے کہ ہم نے ایسے افراد کے لیے ٹکٹیں رکھی ہیں جو پیرالمپکس مقابلوں کے دوران ان کا خود لطف اٹھانا چاہتے ہیں۔‘

خیال رہے کہ لندن پیرالمپکس مقابلوں کے لیے معقول سکیورٹی کا بندوبست کیا گیا ہے تاہم یہ سکیورٹی لندن اولمپکس مقابلوں کے دوران کی جانے والی سکیورٹی جیسی سخت نہیں ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔