سکورنگ میں غلطی، غلط کھلاڑیوں کو میڈل

آخری وقت اشاعت:  ہفتہ 1 ستمبر 2012 ,‭ 23:56 GMT 04:56 PST

پیرالمپکس میں خواتین کے ڈسکس کے مقابلوں میں سکورنگ کے نظام میں خرابی کے باعث غلط کھلاڑیوں کو میڈل دے دیے گئے۔

ابتدائی طور پر یوکرین کی ماریا پومزن کو طلائی اور چین کی وو قنگ کو چاندی کا تمغہ دیا گیا۔ تاہم سکور کرنے کے نظام کے صحیح ہونے کے بعد اب چین کی کھلاڑی کو طلائی جبکہ یوکرین کی کھلاڑی کو چاندی کا تمغہ دیا گیا ہے۔

کانسی کا تمغہ حاصل کرنے والی چین کی کھلاڑی کی اب پانچویں پوزیشن ہے۔ ان کی جگہ اب آسٹریلیا کی کیتھرین پراؤڈفٹ کو کانسی کا تمغہ دیا گیا ہے جو پہلے پانچویں نمبر پر آئی تھیں۔

سکور کے نظام کی درستگی کے بعد جیتنے والوں کو میڈل دینے کی تقریب ہفتے کو ہو گی۔

نظام کی درستگی کے بعد پہلی پانچ پوزیشن میں تبدیلی آئی ہے۔

پیرالمپکس کے منتظمین نے ایک بیان میں کہا ہے ’ان کھیلوں میں پوائنٹس سسٹم میں فاصلے پر پوائنٹس وضع نہیں کیے جاتے۔ آج غلط اعداد و شمار استعمال کیے گئے جس کے باعص جیتنے والے کھلاڑیوں میں غلطی پیش آئی۔ ہم اس کے لیے معذرت خواہ ہیں۔‘

اسی بارے میں

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔