ورلڈ ٹی ٹوئنٹی: پاکستان کو شکست، سری لنکا فائنل میں

آخری وقت اشاعت:  جمعرات 4 اکتوبر 2012 ,‭ 13:23 GMT 18:23 PST

سری لنکا میں جاری ورلڈ ٹی ٹوئنٹی کے پہلے سیمی فائنل میں سری لنکا نے پاکستان کو سولہ رنز سے شکست دے کر فائنل کے لیے کوالیفائی کر لیا ہے۔

کولمبو میں کھیلے گئے میچ میں سری لنکا نے پہلے بیٹنگ کرتے ہوئے مقررہ بیس اوورز میں جیتنے کے لیے پاکستان کو ایک سو چالیس رنز کا ہدف دیا تھا مگر پاکستان کی ٹیم سات وکٹوں کے نقصان پر ایک سو تیئس رنز ہی بنا سکی۔

کلِک میچ کا تفصیلی سکور کارڈ

کلِک میچ میں کب کیا ہوا: لائیو اپ ڈیٹ

پاکستان کی جانب سے کپتان محمد حفیظ نے بیالیس اور عمر اکمل نے چوبیس رنز بنائے۔

پاکستانی بلے بازوں نے غیر ذمہ دارانہ بیٹنگ کا مظاہرہ کیا اور ان کی وکٹیں وقفے وقفے سے گرتی رہیں۔

سری لنکا کی جانب سے ہیراتھ نے تین، میتھیوز اور مینڈس نے دو دو کھلاڑیوں کو آؤٹ کیا۔

اس سے پہلے سری لنکا نے ٹاس جیت کر بیٹنگ کرنے کا فیصلہ کیا اور مقررہ بیس اوورز میں چار وکٹوں کے نقصان پر ایک سو انتالیس رنز بنائے۔

سری لنکا کی جانب سے جے وردھنے نے سات چوکوں کی مدد سے بیالیس جبکہ دلشان نے تین چوکوں کی مدد سے پینتیس رنز بنائے۔

پاکستان کی جانب سے محمد حفیظ، شاہد آفریدی، عمر گل اور سعید اجمل نے ایک ایک وکٹ حاصل کی۔

سری لنکا کے جے وردھنے کو میچ کا بہترین کھلاڑی قرار دیا گیا۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔